石sir已收工

呢兩個星期，石sir根本已經收晒工，佢返一日，請一日假，諗住唔做都唔好咁啦，人格有問題﹗

另外個新黎既英文小姐，尋日要考口試，佢竟然請假，咁佢阿頭打電話問佢會唔會返黎考試啦，佢話唔返，阿頭話佢知唔返係要補番監堂，唔可以成日要人地頂佢d野既，呢位小姐竟然話佢考口試，一個學生最多用兩分鐘，十四個學生，就計廿八分鐘，佢唔會監多過廿八分鐘，哈，阿頭傻架咩，咁都會俾你head住？英文小姐個阿媽之前仲教佢去校長度投訴阿頭呀﹗呢個年頭d人係咪有問題呀，其身不正仲成日走去投訴人地，有病﹗

今朝響大X樂食早餐遇到學務L，佢同英文阿頭傾左一陣，阿頭走先，學務L就一臉不耐煩咁話d人(唔係話阿頭)唔係路，做野又做唔足。我以為佢話果個兩位中文阿嬸同兩位英文阿叔啦，但原來學務L既矛頭只係直指西瓜sir，話佢自己d野都未做得好.........(下刪幾百字)，我企圖轉換人物，講番兩位阿嬸，但係佢只係輕輕帶過又講番西瓜sir。我都唔清楚西瓜係唔係咁呀，學務L又猛話唔知中文阿頭知唔知，講到好似包庇西瓜咁。我咪叫佢當面同中文阿頭傾下囉。學務L叫我唔好同中文阿頭講呢單野，我見過鬼都唔怕黑咩，佢同代課M一樣既，我費事又賴野。(響呢度透露消息應該唔算啦呵？﹗)西瓜d野其實一早俾佢唱開晒啦，果日仙姐同我講中英文科都有屎人出現，我以為佢都係講兩位阿嬸，但原來佢根本唔覺阿嬸們有問題，咁即係報料條友中指直插西瓜啦。西瓜死梗﹗