音樂會

肥姐夫成日話去練歌，以為佢係返教會練詩歌，尋晚同阿爸阿媽大家姐一眾人等去左聽佢個合唱團表演，原以為好普通既表演，誰不知原來好勁﹗本身仲有張飛多左，早知請蜜蜂女去啦，又有女高音獨唱，又有男低音獨唱，係藝術歌黎架，水準仲係好得添喎﹗除左肥姐夫個合唱團之外（香港愛樂合唱團），仲有黎自北京既合唱團（北京中國廣播之友合唱團）。入場之後，睇一睇本場刊，oh﹗原來係同奧運有關既活動黎既（喜迎北京２００８奧運合唱音樂會），唔怪得見到梁愛詩啦。

睇左一晚，發現香港人真係仲係好少參與呢纇活動，人地個合唱團出場、入後台、排位時，Ｄ觀眾就猛禁響處傾計食香口膠，嘈到一個墟咁﹗首歌明明未唱完，只係停左一拍，Ｄ觀眾就拍手，開頭幾首歌都係咁，好彩下半場已經無左呢個現象喇﹗