性格決定命運

今日開會，知道PEK同圖書琪都好意思走去申請升職，學校又竟然升佢地，我個心完全一沉，真係要人安慰下。

我都話性格決定命運架啦，鬼叫自己賴型咁：「你要我乞你既，我偏唔稀罕。」想當年我做左咁多成績，學校都唔俾我升，咪唔升囉，我同自己講，自己做得唔夠好，人地唔升你，算啦﹗所謂命裡有時終須有，命裡無時莫強求。但如今見到兩個廢人竟然升職，真係無野好講﹗

路人甲知道後，安慰我：「升職既原因好多既：能力、成績、人和、運氣。。。。。。」

講到呢度，我就話：「運氣仲佔８０﹪添﹗」

路人甲：「係囉，無升過職都可以係好勁架，我都識Ｄ好勁既ＣＭ架。」

我心諗：「我都知，認同唔一定要上頭俾我既，學生既認同，同事既認同先最重要。」

路人甲：「況且宜家你份工幾好呀﹗個世界好似好唔公平，但其實好公平，可能個結局都好公平，睇你點睇姐。」

我：「係啦，我都見過一Ｄ人死爭爛爭，開頭好似好ＳＯ，但結果唔係走左就係病左，回歸原位。」

經過路人甲既輔導後，心裡面又響起一句：「超﹗我幾好吖﹗起碼我知足，故我常樂﹗」