五一勞動節深井至小欖半天遊

五一路人甲要返工，我就約左d朋友行山，路線係深井至小欖，可惜之前個晚出左去食飯，食完返屋企就唔記得charge電，部相機響行到半路既半路就已經無晒電，連後備電都係無電既．．．．．．嗚．．．．嗚．．影得咁少咋，仲有好多靓景影唔到呀﹗

深井碧堤半島對面條村起步，行無幾耐就到左呢度，個景唔錯。

再行多一陣，個景仲正﹗青馬大橋﹗

途中見到呢種花，未見過，有d似聖誕花。

45分鐘後，行到黎呢度就轉入清快塘，然後就發現新大陸喇﹗

據路人甲呢位野人既資料，呢度以前無野既，一條廢村，條村姓「傅」，無咩靚景。但係而家有兩個蓮花池塘，好靚好舒服﹗仲有一家人重建左間屋，做埋士多。

士多裡面呢缸魚仔好得我鍾意呀﹗

黎到呢度，就無電喇，粉紅色既蓮花、大欖水塘、小欖監獄、黃金海岸都無得影喇﹗

雖然部機無電，但我自己仲有大量，所以夜晚去左大埔滘睇螢火蟲。呢排無落雨，d螢火蟲得番好少，不過都睇到，只係無想像中咁多啫，下次落完雨再睇過。