最後兩天倫敦遊

回港已兩個月，今日至有心情寫埋個英國blog。

1/10/2011，又係星期六，八磅搭火車出倫敦，今日目的地係白金漢宮，去到至知要排隊攞左時間先，其實之前上網睇過，係可以預約既，不過要俾錢，所以我打算出黎排隊，排左一個鐘，約到1430，於是行左去National Gallery睇野。真係好多好畫睇﹗

睇到够鐘，又行返去白金漢宮，途中又見到站崗既兵哥

睇左成兩個鐘，唔俾影相，只有呢張。真係值得一睇，今次仲有王子大婚王妃既婚紗睇，好靚﹗

睇完之後又行返去National Gallery再睇過，當然係行第二條路啦，呢度俾我好英國既感覺。

響National Gallery門口咁多個表演者之中，我最鍾意呢個

行完之後，下一個目的地係響Regent Street既National Geographic shop，經過呢個Piccadilly Circus，之前經過好多次，都無影返張相。

National Geographic shop，朝聖﹗

2/10/2011，今日打算行到腳軟為止，第一站係呢到：

又見到拍戲喇﹗

下一站：Museum of London，好多人都唔會去，但係我覺得幾好睇，仲可以了解多d倫敦。

英國既天氣時晴時陰，有太陽就好好享受吓喇﹗

最後，去多次大英博物館，睇埋上次未睇完既野﹗

本來打算8號同9號去多兩日倫敦，因為仲有好多野未睇完，但係有事發生左，令我坐左響屋企一個星期，邊度都無去，10號上機返港。

英國生活

雖然成日都去旅行﹐但始終無響外地生活過既經驗，今次響英國總算係真正咁生活過，見識過好多英國式生活，對英國了解左好多。

其中，我發現超級市場對英國人黎講簡直係不可缺少既「設備」，而且，你可以響超級市場睇盡人生百態。

我地隔兩日就會去超級市場入貨，主要係買餸，毎樣貨品都真係好多選擇，以下係其中一餐：

另外，英國人家家戶戶都有塊草地，香港人好羨慕，但要打理又真係要有時間，有心機。好似我家姐屋企塊草地，之前生滿晒weeds，要除weeds，真係要好有心機。d weeds條根長到好似人蔘咁，最長有成五六吋咁長，要掘好耐至可以掘晒出黎。我掘左兩日，對手生左兩大個水泡。大家睇吓d窿就知個工程係幾咁浩大架喇﹗

辛苦左一大輪，當然要享受吓啦，英國既天氣比女人既心情更難預計，所以BBC weather forecast係毎三個鐘咁樣去預測天氣既，真係好準架。踏入九月，天黑得早，有藍天白雲25度既日子已經幾乎係無架喇，不過，今年既九月有兩個星期係Indian Summer，所以天氣唔錯。

抵食倫敦

因為家姐個朋友介紹，我地上網買左響倫敦dine out既coupon，地點響Trafalgar square，非常方便。我地出倫敦前，去左影吓秋色，好多樹都已經變晒色喇﹗

坐地鐵去到covent garden，個地鐵站有條百幾級既樓梯，行上去當然無問題啦。

仲有唔夠一年就倫敦奧運喇，時間過得真係快﹗

餐廳係一間主打蘇格蘭菜既餐廳，食食吓仲見到有個著tartan kilt既阿伯入黎食野添﹗埋單毎人30磅，有頭盆、主菜、甜品、紅酒、咖啡，食物整得好食又大碟。呢個係頭盆：青口，一碟有成四打咁多，食完都有d飽。

主菜：牛扒。靚野，好味﹗

餐廳既環境都好好架，不過就有少少嘈。

甜品：雪糕蘋果批，好薄既批，好正﹗

2011倫敦漫遊之換班、夜景

24/9/2011

今日出倫敦既目的係去白金漢宮睇換班，仲要睇埋夜景先至返得屋企。

不過，我出到去白金漢宮已經1110，而1130就開始個換班儀式喇，好彩，都俾我攝到個好位。最初真係咩都睇唔到架，淨係聽到音樂，好彩後來有d人走左，我企前左少少，就睇到一d喇，有d人企到無雷公咁遠，睇唔到又聽唔到，真係唔知做咩呀﹗軍樂竟然奏起傻豹同007。

大約半個鐘就睇完喇，要散水都唔係咁易，搞左一輪先可以行過去St Jame's Park。呢個park好多不同既鳥類，同其他公園見到既唔同。

好舒服既公園呀﹗天氣又好，真係一流呀﹗

一出St Jame's Park就係horse guard，又影左一大輪相。

然後，我又打算行River Thames，今次行另一邊岸

埃及方尖碑，呢位似乎係model，阻住晒

行到去Tate Modern，入去行左一轉，見到艾未未既作品，只係一堆圓錐體既瓜子

St Paul's Cathedral，早幾年黎過，今次唔入喇，入場費又貴。好似話倫敦既Museums好多都會響不久既將來收費呀，要睇又唔想俾錢，如我，要快d睇喇﹗

屈人指蒸餾水樽呀﹗

到黃昏時，去左Tower bridge等睇日落，都叫做睇到啦﹗

仲見到有錢既印度人結婚添喎﹗

終於都到左影夜景既時間喇﹗

沿住River Thames行左一大個圈，再由呢度行返去King's Cross站，攰喇﹗