又一聖誕禮物

23／12／2009係我起程去旅行既日子，路人甲因為請唔到假，所以只有我同另一個女仔去，而路人甲當日off，所以佢送我上深圳（我響深圳飛呀），送到去地鐵科學館站（響呢個站要轉坐機場巴士）。

響將近到站時，佢遞左盒野俾我，係用條小手巾包住既。

我去到機場settle晒d野之後就打開黎睇啦，嘩，原來係i pod shuffle。

已經入晒歌仔，full power。

呀﹗之前佢晚晚都伏響電腦前面，仲俾我鬧添﹗又鬧錯左喇﹗

旅行期間有歌聽，完全開心呀﹗

你終於都明喇﹗

今晚將前兩日同個保險傾renew份保險既野同路人甲做個簡報：

我：「其實如果我拉左柴，你洗唔洗要錢用呀？」

路：「唔洗，我有。」

我：「唉，其實一路都唔想買咁貴保險，我想cut左呢份人壽，好嗎？」

路：「cut啦，你一蚊都唔洗留俾我，最好死之前連一蚊都用晒佢。」

我：「我夠知啦，我不嬲都係咁諗架啦，但係我鬼知自己幾時死呀？﹗」

路：「係架，你唔會知自己幾時死架，所以呢......」

我：「幾時都有機會死架喎，咁我咪要日日都用晒d錢至得？﹗」

路：「哈哈﹗你終於都明喇﹗」

點解路人甲咁樣洗錢法？謎底終於解開喇﹗

路人甲知我心意

今日返左學校做中文科教材。

都話成八年無教過中文啦，我停止教中文既時候，仲係上一個課程，而家呢個同我認識果個課程係完全唔同模式架喇﹗

我要負責做一個單元既教材，放暑假前已經搵過殘渣亮(佢係初中負責人)想問吓佢d資料同課程既野，但係搵唔到。到呢個禮拜終於要開工做野殺到埋身喇，又幾經辛苦至搵到佢，點知佢答我既野完全唔到point，我要知既野有九成五係其他同事幫忙話我知既，佢都有幫我既......5%啦。

今日我又俾佢老點，花左個幾鐘做既野化為烏有，我梗係發老脾啦﹗阿脆卜卜見我咁樣，立即幫我搵到阿殘兄話無既野俾我，於是我又拿拿聲做啦﹗

離開學校之後，見到路人甲。

路：「點呀？好攰呀？」

我：「你可唔可以幫我做一件事呀？」

路人甲望左我一眼：「想殺邊個？」

我聽到之後即刻開心晒，因為我呢句對白以前係未用過既，之前又無同佢提過有關既野，路人甲咁醒目，咁知我心意，梗係開心晒啦﹗

幾千蚊換來的幸福

因為有人食言，而且仲屈我話我唔合作，而且公開話晒俾所有人知呢件事既部分事實，令到好多唔知情既人以為我係低能仔，果個人食言就搞到我跟足手續去辦事都蝕左幾千蚊，幾樣野加加埋埋，搞到我好激氣，好彩……

1．幾千蚊可以俾我睇清楚有d人既人格好有問題，證實左我一直都深信既事實：書愈得多既人愈不知廉恥、權力愈大既人手段愈拿渣。蝕幾千蚊，抵呀﹗

2．一班好朋友、好同事，紛紛安慰我，聽我發up風鬧爆d廢人，幫我呢樣個樣。蝕幾千蚊，抵啦﹗

3．一件「小事」，令我更清楚明白，更堅定肯定未來一兩年既去向。蝕幾千蚊，抵過搵蘇民峰啦﹗

4．路人甲知道我俾人蝦，呢兩日見親我都dum我開心，又講到就算無錢洗都支持我任何決定咁，今晚又出黎等我做完gym接我番屋企（平時係我唔俾佢接接送送既，我無腳唔識搭車咩，做咩要換佢既時間俾我呢），一見面就送左盒Royce朱古力俾我，雖然細細盒，但係都係好有心思架喇﹗好開心，又好好味﹗蝕幾千蚊，抵到賴啦﹗

咁就獻出左我既第一次喇﹗

點解復活節玩咁短，咁早返港？咪係因為有朋友結婚要做姊妹囉﹗就係佢喇，其實新郎哥都係我朋友，只係手頭上得呢張相咋﹗

重唔只，重要響晚宴度做埋司儀，由朝玩到晚﹗不過，朝早d玩野片段未到手，無得share，新郎哥不負佢棚牙，響狂刨西瓜一個環節裡面，簡直佩服﹗

趁開席前，一班姊妹團黎番張大合照先﹗認得我嘛？連d同事都話唔認得我，係讚緊我定係話緊我平時太烏where呢？﹗

趁d人唔影相住，快快手手走去個背景三角琴度影番張扮下野先﹗

我個人就非常鍾意呢個婚宴場地呀（西港城大舞台），好靚，好舒服，可能係樓底高既關係啦﹗

其實朋友仔都大膽呀，我出名唔鍾意去飲，我連人地幾時係做咩，幾時係敬酒都唔知，佢地竟然放心俾我做。起初以為果晚上台度打下天才波架啫，點知搞搞下，連果晚個rundown都要負責埋，響一頭霧水到果晚完成任務，真係我人生既第一次呀﹗

返到屋企，路人甲見到我，第一個自然反應係退後左一步，然後：「嘩﹗你洗唔洗咁行呀？」我都知個妝化得好勁架喇，我咁大個女都未試過化到咁行呀﹗

於是，挨住眼瞓，都要影低呢個以前同以後都見唔到既樣先﹗

影相出黎個效果無見真人咁勁，我指個驚嚇程度呀。

如有不安，敬希原諒﹗

結婚八周年禮物

話說四月一號係愚人節，亦係我同路人甲既結婚八周年紀念日。其實年年都唔興慶祝架，今年都無。果日中午收到路人甲電話：「喂，你有禮物喎﹗響車尾，得閒去拎啦﹗」我就淨係。咁咪去攞囉，見到呢個盒，唔知咩黎呢？

打開至知原來係本硬皮三十頁彩色厚紙印刷既相簿，非常精美，全部都係我地兩個既合照。好開心呀﹗

不過，路人甲唔鍾意post佢個衰樣出黎，所以唔post本野個樣出黎喇﹗

太感動了﹗

偶然見到呢條片，好感動，好羨慕呀﹗
睇完之後，有幾樣野都幾肯定：

1．個男仔對人應該唔差，人緣唔錯，否則邊有咁多人肯幫佢手。 

2．個女仔應該響個男仔既朋友圈中幾被肯定或者幾討人喜歡，否則就算朋友叫到，都唔想個朋友差隻腳入屎堆既﹗

3．個男仔做事好認真，肯花心思。

4．個女仔對個男仔黎講幾重要，否則個男仔肯鬼做咁大場大龍鳳呀？﹗

5．最重要係，呢一刻個女仔好幸福（以後既劇情發展就只有God knows喇，見得太多好好好感動既場面，最後兩位仁兄都係分手收場） 

人生交叉點

響個網友救世豬度睇到呢個故事，發生既地點係以前讀書既地方，而個故事又好鬼人生交叉點，令我思考左好耐：

一個老年人，在幽暗燈光之下，走過高街瘋人院，令他不禁想起很多唏噓往事..........

年青時，他有美好家庭，事業如日方中，卻愛上自己青春少艾的女學生，他徘徊在路上，向左走，他可做回好丈夫、好爸爸、同事眼中的有為青年，學生眼中的好老師........

向右走，他雖可擁抱一生中最愛，但卻成為眾矢之的，淪為一個受萬人唾棄與學生搞不倫戀的壞老師........

曾經從養和醫院副院長鄺國熙醫生口中，聽過一則真人真事的淒美傳奇，至今難忘。

那是五十年代，鄺醫生在港大讀醫，在高街精神病院實習（現已重建為社區中心）。在芸芸老弱頹靡的病人之中，獨有一位年輕秀麗的女子，不時會唱出傷感之歌，又會憑窗遠望，向對面的羅富國教育學院哀怨地叫：「你回來吧！」

他好生奇怪，翻查資料，發現她原來是羅富國師範學院的音樂學生，彈琴、唱歌，無一不精，深得老師賞識，並熱戀起來，老師家有妻兒，又極有機會晉升為院長，總不能為愛情捨棄事業和家庭。最後揮慧劍斬情絲，女學生不堪刺激，患上了精神分裂症。半世紀前，此症近乎無藥可救。鄺醫生記得，女學生的母親還不時老遠從九龍乘車搭船來餵湯餵飯給女兒，看了叫人心酸。

鄺醫生又發現，班中有一位男同學對這位女病人特別眷顧，還選修了精神科。追問下，同學吐露了不為人知的秘密：「可知道和這女病人相戀的是誰？」他略一遲疑說：「他是我爸爸！」他如此苦心，是否為父親贖罪？不知道。鄺醫生後來和這位同學也失去聯絡，美麗的女病人不知在哪裏終老。高街精神病院後來荒廢了，在月光映照下，紅磚大屋陰森恐怖，是西區著名的「鬼屋」，有人說，夜裏會聽到凄厲的嚎哭大叫。會否是女病人陰魂不散，縈繞徘徊不去？如果可以，真想聽到她如泣如訴的歌聲，一定是動人心魄。

happy birthday

happy birthday

對於一個電腦白痴黎講，要做一條咁既短片，係要用九牛二虎之力既。

我第一次自製短片，問了幾個朋友，上網又問左幾個人，一步一步，用左最少四個鐘至搞掂。期間有過很多錯誤及不成功的時間，到現在終於完成可以放到blog上來，簡直係一身汗。

路人甲，生日快樂呀﹗

happy birthday

<object width="425" height="350"> <param name="movie" value="http://www.youtube.com/v/RvXLCGU2ajk"> </param> <embed src="http://www.youtube.com/v/RvXLCGU2ajk" type="application/x-shockwave-flash" width="425" height="350"> </embed> </object>

肥番啦

三十二天無端端減左肥之旅，一共減左八磅，返到香港時真係好fit，連自己都覺得好fit，無論係身型及體能都好在狀態。

誰不知，返到香港第二日起，路人甲就待我如太上皇，我基本上可以一日坐響張sofa或電腦椅度唔洗郁，要水有水，要飯有飯，仲大魚大肉煮鬼埋，我同殘廢差唔多；再加上好想快d搞掂d相，打好d　blog，就日日坐響電腦椅上度日；又加上天氣實在熱，根本唔想出去；亦加上心理上覺得辛苦左成個月，都係要抖下喇；最後加上要返工，要準備上堂d野．．．．．．．

結果，成個月無做過運動，唔係，係成個月根本無「動」過，返工放工車到門口，有時真係以為自己殘廢左，於是．．．．．．「萬般帶不走，唯有腩隨身」，遺失於新彊及巴國既八磅肉，迅速回歸﹗

都怪路人甲對我太好。呢位阿哥，多謝晒，一磅＄７８０，八磅就多謝你＄６２４０，聖誕去潛水旅行時找數就得架喇﹗

刺痛的回憶

當一個女子一心一意地用自己生命的三分一時間去愛著一個男人，但卻換來一無所有時，那是刺心的痛﹗

當那陳舊得已淡忘了的片段一小片一小片的在腦海中堆砌成一幅畫面時，那種痛很刺心﹗

這些埋得很深的回憶、感覺和經歷又一次因為朋友的遭遇而浮現出來了﹗是我沒有放下，還是我的同情心太濫呢？﹗

原來所有事都是不能忘記的，只會被埋葬，偶一不慎便會成為出土文物，小心﹗

好驚訝﹗

男同事和女同事拍拖了，問題是男同事本來跟女友2月結婚，但當酒席什麼都預訂好了之時，12月卻退婚，這麼的一段關係始終令我有點兒擔心﹗

擔心一：

雖然說燒到來才知痛，婚一日不結，亦不知是否真的想結，對象又是否適合，但真的要一個月前退婚嗎？我始終覺得那些「退婚總好過離婚」的理論是荒謬的。為什麼總不能在答允婚事前考慮清楚呢？這類在最後關頭才肯面對現實的男人可靠嗎？

擔心二：

女友跟自己拍了這麼多年拖，在一個月前通知底下，在所有朋友都知自己被退婚底下，在失去最青春的年華歲月底下，在結婚前一刻才知道對方認為自己根本不是人選底下，那種痛是如何的痛？想一想都覺得痛﹗但男同事竟然能夠在曾經愛過的人痛得入心入肺的時候，跟別個女子甜蜜地熱戀，愛得火熱，這個會是一個用真感情的男人嗎？﹗雖然，一段戀情結束不用「守孝期」，但連那一點點同理心也沒有了嗎？男人呀，你用不著「一浪接一浪」罷﹗你不覺得你默哀的時間真的太短太馬虎嗎？

擔心三：

男同事跟女友的關係並非壽終正寢，而是病入膏肓，瘁死。女友有什麼三長兩短，男女同事安心了嗎？女友會對自己或對他們做出什麼傻事呢？男同事如果一時仁義，舊情復熾，女同事又如何呢？

擔心四：

男同事這一刻有新戀情刺激腎上腺素，當然覺得舊戀情事過境遷，信誓旦旦，堅決斬纜。兩個月三個月四個月後，死灰會復燃嗎？女友死纏不息，如何？

擔心五：

如非這位女同事，男的肯鼓起勇氣退婚嗎？男同事是想清楚女友不適合自己，還是發現有更好的選擇呢？沒有新的出現，是否已經結婚去了？如果是，這種騎牛搵馬的態度是否真的是最後一次呢？

擔心六：

男同事的意志情意是否堅定？

女同事會否被傷害？

女友的情傷能多久才復原呢？

 

在我個人的角度，男的荒謬，女友無辜。女同事，祝好運﹗

*以上純粹個人記錄，個人見解，可能當中有誤解，但直至現時為止，我仍然存在以上個人感想﹗

**如果我不認識男同事，可能我會用我認識的所有粗口罵得他狗血淋頭，再把他打個豬頭呢﹗

***希望只是我太杞人憂天而已﹗

 

你搵到另一半未？

陰盛陽衰 女教師

(蘋果日報)
本港人口男女比例持續失衡，部份行業陰盛陽衰情況惡化，
其中以七個行業最為顯著，
包括教師、醫護人員、保險及金融業等。
有婚姻顧問指出，部份行業女多於男，令業內女性成功出嫁機率更低，
其中以教師最嚴重，
有仍在教育學院就讀的女生已參加極速約會，及早尋覓合適對象。

行業：社區及社會服務業（如：教師、醫護）
女性：320,085
男性：210,567
06年女性與男性比例：1,000:658
96年女性與男性比例：1,000:890

社交圈子太窄了 。身邊的同事、舊同事、舊同學，已有另一半的，大多是入行前已經認識到的了，想入行後結識另一半？不是沒有，只是比例上太少了。真的還有許多女教師尚在尋覓中呢﹗幸好我已上了一個很穩當的「岸」，否則，一是放棄拍拖結婚等念頭，一是很焦急地四處亂碰。不過，得罪的說一句，就算老姑婆一世，都不會跟教書佬結婚，眼見的有95%是不合格的(至於怎樣不合格，不說了，免得打到今晚都未打完)，亦一定不會隨便為拍拖而拍拖，為結婚而結婚。有時，一個人也不是太差的啊﹗我見我的同事裡面也有一直都是單身的，她們過得比一些為結婚而結婚的人更快活。

緣份，隨遇而安吧，免強沒幸福呢﹗

接受不了

昨天朋友來我家BBQ，讓我聽了一個令我頗不安的消息，實在接受不了。

朋友A(男)和朋友B(女)(我跟他們不太熟稔)是一對夫婦，A的職業高尚，經濟穩定；B不用工作亦不愁衣食，本是令人羨慕不已的一對，但差不多兩年前，他們似是意見不合，大家決定分開居住(但並非法律上的分居)。A很想挽救這段感情，但B很是決絕﹗後來B跟一男子來往並有了身孕，但那男子卻要B把小孩打掉，結果不知什麼原因，B跟這男子分開了。現在，B為了經濟的問題，亦為了讓孩子有一個最好的學習條件和正常的家庭生活，她帶著小孩和A一起生活。一切都似乎很好，一個幸福的家庭，連小孩的出世紙也填了A是爸爸。可惜，A似是佔著上風，家中什麼事都不管，讓B打理一切，在小孩面前還會擺一副慈父的樣子，但在小孩背後，兩夫婦卻似是陌路人，何苦呢﹗

B要走就應該決絕到底，有了BB就應該負起所有責任，B以為這樣會令孩子健康快樂地成長嗎？世事難料呢﹗A如果並非出自真心的，而是抱著B求我嘛，我便可憐她，施舍給她吧的心態，或者是報仇的心態的話，結果大家都是輸家。

我相信A和B一定會再分開，而且分得比上次更慘。我們這等局外人只能無奈地接受這樣的家庭﹗

好奇一問：他們的長輩能接受這種關係和那個小孩嗎？﹗

婚了再婚

今天聽了一則奇怪的消息：

朋友的女同事早幾年已與一位醫生朋友結了婚，但最近卻在公司白紙黑字的宣佈自己與男同事甲結了婚。有些人不明白，以為他們各自結婚，但女的已婚，又何來會有結婚的事呢？﹗弄了半天，才明白原來女同事早已離婚，但沒通知同事，亦不動聲色，沒有半點情緒問題；男的未婚，不過有一親密到已談婚論嫁的女友是眾所周知的事實，應該是分手了吧。現在是這兩個人手拖手去結婚，而非各自結婚﹗

情，從何來定錯對？對於我們這些無關痛癢的人來說，這兩個人行事秘密，不負責任，行為荒唐；對於他(她)們的另一半(從前的)來說，這兩個簡直就是奸夫淫婦；但在這兩個人的角度來看，找到真正相愛的人，然後一起生活是沒錯的。不過，這個就是最終的對象了嗎？婚姻不是互相信任，互相支持，互相愛護的嗎？婚姻不是一生一世的承諾嗎？否則，為什麼要結婚？最初，結婚的對象不是自己選擇的嗎？為什麼考慮了這麼多年，拍了多年拖後，一結婚便嚷著要離婚呢？這樣不是要告訴全世界自己是個白痴，作了一個很大的錯誤決定嗎？

婚姻是互相的承諾與信任，請尊重婚姻吧﹗

因為愛，可以等

 

周慧敏的歌迷「因為愛，可以等」，一句多麼浪漫的說話。

有一晚，我聽到收音機內傳來一段簡單而深情的說話，大意是一位男士祝福一位他暗戀了廿年的女士，希望她的家庭生活幸福，孩子快高長大。

用廿年來暗戀一個人，是虛耗光陰，還是情深浪漫呢？我答不上，我只知道暗戀就是浪漫，但廿年是否太久了一點呢？無論如何，他真的等了廿年，當然，事實上不能等到什麼，因為她已有家庭，但如今他仍暗戀她，是否仍存在等的意識呢？

因為愛，可以等：等女朋友上街前化兩個小時妝、等男朋友放工、等男朋友事業有成才結婚、等男/女朋友離婚、等對方痛改前非、浪子回頭、等對方回心轉意、等對方道歉、等對方說愛你、等對方電話、等對方向自己表態……。等，一定要有耐性，耐性又一定要有愛去支持，若果不喜歡那個人、那件事、那件物件的話，就一定沒有耐心去等。

返回現實吧﹗如果那位男士是一位精神錯亂的人，或者是個死纏不休的人，又者是個相貌可憎、人格低劣的人，那麼，那位女士還會是個幸福的被暗戀者嗎？故事還會浪漫嗎？

愛可以令人做出很多匪夷所思的事，包括等幾廿年。

愛情會令人.......

「愛情是生活的全部，沒有愛情的生命是空洞的。」

似乎誇了一點，但愛情卻真的能讓人發傻﹗

愛情會令人不吃不眠，都可以青春常駐；愛情可以令人不眠不休，都不覺丁點兒倦意；愛情能令人做許多許多不可思意的傻事或蠢事；愛情可以令人放棄很多，包括自尊；愛情使人瞎了眼，就算對方是個傻的，也會一頭栽下去；愛情令人容光煥發，自信爆燈；愛情令人在公眾場合常常無端傻笑；愛情令人牽腸掛肚，寢食不安......

但是，當愛情變成感情後，一切又歸於平淡了。沒人肯回頭去回味那份愛情的甜味的話，淡淡的味道，漸漸便會變成無味，慢慢地，連嗅覺上的氣味也沒有了。若沒要求的話，便隨得自己成為一個沒嗅覺，沒味覺，連視覺也模糊不清的人。大家一天一天地一起生活下去，不再記得什麼叫愛情，不再記起曾經何時試過那種心如鹿撞的感覺，不再會夜半為對方造禮物，仍會心微笑。所有都變成習慣。雖然愛仍在，但感覺已變質﹗記得嗎？何時曾經為對方哭過？何時因對方而開懷大笑？何時無時無刻心裡都掛念著對方？

要尋回愛情，容易嗎？