今日返左學校做中文科教材。
都話成八年無教過中文啦，我停止教中文既時候，仲係上一個課程，而家呢個同我認識果個課程係完全唔同模式架喇﹗
我要負責做一個單元既教材，放暑假前已經搵過殘渣亮(佢係初中負責人)想問吓佢d資料同課程既野，但係搵唔到。到呢個禮拜終於要開工做野殺到埋身喇，又幾經辛苦至搵到佢，點知佢答我既野完全唔到point，我要知既野有九成五係其他同事幫忙話我知既，佢都有幫我既......5%啦。
今日我又俾佢老點，花左個幾鐘做既野化為烏有，我梗係發老脾啦﹗阿脆卜卜見我咁樣，立即幫我搵到阿殘兄話無既野俾我，於是我又拿拿聲做啦﹗
離開學校之後，見到路人甲。
路：「點呀？好攰呀？」
我：「你可唔可以幫我做一件事呀？」
路人甲望左我一眼：「想殺邊個？」
我聽到之後即刻開心晒，因為我呢句對白以前係未用過既，之前又無同佢提過有關既野，路人甲咁醒目，咁知我心意，梗係開心晒啦﹗
哈哈，笑死我啦 因住你要去赤柱探佢呀 有時有個明白你既人，一句說話就冧晒，忘記他啦
回覆刪除[版主回覆08/08/2009 22:02:00]路人甲好掂架，我出名脾氣臭，對住我自己阿爸阿媽都係會忍唔住爆既，但係對住路人甲呢，就無晒火氣(咪即係死晒火？) 但係佢又唔係用惡，又唔係有咩特別方法架喎﹗正所謂「一物治一物」﹗
我都未做，我唔會問佢，自己?掂
回覆刪除[版主回覆08/08/2009 22:09:00]你都係問其他人啦，仲有，份野唔係你講得咁簡單易做架，就算以前已有材料，都有好多野要改架﹗快d做啦﹗
我都好臭脾氣架,昨日先比人話完,又話我系火足鬼,又心急、都唔知趕住去邊咁、又惡死、又忟,唉,真系無樣好
回覆刪除[版主回覆08/08/2009 22:23:00]又唔好講到咁，人總有些少缺點既，呢個先係自己嘛﹗
wo zhi dao la, wo kai ye che zuo ba, yin wei bai tian, wo mei you shi jian zuo, wan shang shi wo de huang jin shi jian:)
回覆刪除xie xie ni de ti xing, wo hui gan kuai zuo de, xing qi yi wo hui hui xiao, ni hui hui qu ma?
[版主回覆08/09/2009 08:46:00]星期一我會返呀﹗因為我唔會響屋企做學校野架，放假嘛﹗
你好:我6月份去新彊玩,遊覽你個blog,知道你零捌年去新彊玩,睇你D相,取些參考資料,剛7月份旅遊新彊回港,再遊覽你個蛇去北彊blog,才發覺你影相好靚,和自己比較,相形見拙,
回覆刪除[版主回覆08/09/2009 20:15:00]其實我邊度影得好呀，係天氣好啫，多謝你過獎喇﹗
新彊好玩嗎？我就覺得好好玩，風景好靚，好懷念﹗
SWEET SWEET ~~
回覆刪除[版主回覆08/10/2009 09:23:00](Empty)
你寫blog的俚語真掂,睇到我特然笑出聲,你讚路人甲咁醒目,但係佢連你想殺邊個都吾知,你就咁開心,如果佢知你想殺邊個,你咪會開心到攬實佢.
回覆刪除[版主回覆08/10/2009 09:22:00]如果佢響咩都唔知既情況下知我想殺邊個，我就真係驚喇﹗係人知晒個心諗咩喎，未必係好事﹗
多謝你第一時間回覆,太過奬,你曾寫過用錢可以攪掂的問題就不是問題,貴亦不存在問題,是你可以拥有呢枝限量板的扶手棍,幸福
回覆刪除[版主回覆08/12/2009 09:30:00]哈哈﹗「錢可以解決到既問題就唔係問題」係有條件性既﹗
我支human stick係無價既﹗