今日去scuba diving。
1．我地無海底相機，部防水相機只能夠落6米，所以無相。
2．見到一大片未見過既海葵，有紫色、黃色、白色，好靚，仲一落就見到海蛇添﹗
3．第一次見到一大群一大群魚，海底又有一d裝置，幾有趣。
4．考完個潛水牌之後，第一次響海外潛水，第一次落到O仔（open water）既極限（18米）。
5．有部分水域d水好濁，濁到似響香港潛，令人好失望，好彩大部分水域都清，不過唔係非常清咁啫。
6．海底無我想像中咁多物種，上次未考牌前，響泰國潛，真係好多好多野睇架﹗
7．MYR300，兩個dive，價錢ok。好彩無俾佢呃，原來佢話：「去Palau Payar Marine Park玩snorkelling有兩個地方，一個係沙灘，無咁靚，另一個響浮台，多d珊瑚同埋魚。去浮台貴d，如果你地scuba diving呢，沙灘就300，浮台就370。」我心諗，snorkelling就話限住一個位置唔去得遠啫，scuba diving，響個海底幾廿分鐘，有咩關係呀？於是我地決定玩平既﹗結果發現，浮台果邊唔係真係好多珊瑚睇，d魚都唔多，比起上次響長灘島出海浮潛個震撼情況，真係蚊脾同牛脾。
8．Package包午飯，但好少野食，仲係唔好食既（我已經係個唔揀飲擇食既人黎架喇）
9．沙灘邊有好多魚仔同埋baby sharks，好開心見到咁多鯊魚呀﹗仲可以同佢地一齊游水添呀﹗
10．響沙灘浮潛只有魚睇，如果成日響個沙灘度，應該幾悶，都係沙巴Mamutik island浮潛正好多﹗
四點幾返到酒店（因為我地近碼頭），立即去酒店個游泳池嘆吓啦﹗
我地無游水，因為瞓響個池邊，又唔係熱，涼風吹呀吹，舒服到不得了﹗瞓左成個鐘﹗跟住焗埋個sauna，沖埋涼，乾乾淨淨咁去食肉骨茶同逛免稅店喇﹗
19/2
今日主要玩一樣野，就係kayaking。
響平靜既河區，狹窄既河道玩kayaking係我多年既夢想，今次終於實現喇﹗好開心﹗雖然好多年無扒，但係租左隻雙人艇（MYR40全日），點都唔會反啦，而且路人甲呢位高手響度，定呀﹗
我地一早去到Tanjung Rhu Beach，租好艇就出發喇﹗本來如果參加tour扒kayak既話，兩個人要MYR440，而家只係MYR40就攪掂，真係正﹗而且，我地一樣睇到eagle feeding，仲好睇過坐船，有一下，我同路人甲都係因為隻大鷹俯衝落水震動左羽毛既響聲，先至睇到隻鷹，係聽覺先過視覺架，好感動既場面呀﹗哈哈﹗我地仲成為model添，d人坐船經過一定舉機影我地，鬼咩，成條河成朝都無人扒獨木舟﹗
玩完之後，返酒店個泳池再游多兩野，梳洗完就出發去搵食喇﹗響我地酒店附近有間my hotel，門口原來有一個更大更多野食既市集，好彩離開前發現佢，食完之後就直出機場喇﹗
嘩﹗浮羅交怡d馬路，我地大大話話行左八成呀﹗都係用左MYR30左右既油錢，真抵玩﹗
