與家人遊台灣(第六天)

23/8/2013
今日呢間酒店既自助早餐好令我滿意，估唔到咁細既商務酒店個早餐有咁多選擇，食到好飽﹗
十點半，出發去中正紀念堂，我記得我十四年前黎過，今次黎既原因係老豆想睇換班儀式。

我地睇1200點既換班儀式(逢整點都有)，為時15分鐘，其實只得五個兵哥。

之後參觀樓下既展覽館，我十四年前黎既時候好似無睇。

最搞笑既係老豆對國民黨同共產黨既歷史熟到可以做我姐夫同家姐既導賞員。
一點半，大家都肚餓要揾食喇，咁就決定去西門町，但此時既天色開始黑，好似想落雨。

我地一出西門町既地鐵站就已經開始落雨，咁我地是但走左入一間好好睇睇既餐廳蛋蛋屋，點知又幾好食喎﹗

因為外面落大雨，所以我地坐到四點至走，響樓下行左一陣，實在太大雨，大家決定去台北車站地下街。
雖然地下街好長，但我覺得好似行緊葵涌果d商場咁，後來走左上去sogo行左陣買左d手信就返酒店放低d手信同我老媽，再坐的士去寧夏夜市開餐。
黎呢度既目的其實係去御逸軒食老豆最喜愛既湯包，真係好食﹗

點知，呢晚食既野仲多過上次響饒河果度，仲食左個比蚵仔煎更好味既蚵仔湯，鮮甜到不得了。
而呢個小食又係好少見喎﹗

食到成十一點至返酒店，真係飽到呢﹗