廣州佛山三日悠悠遊(下)

1/7/2013
今日近近地，去牡丹樓食個包當早餐算喇，然後行過對面就係今日要行既祖廟。

一入去，先行左葉問堂，再去黃飛鴻紀念館，咁啱見到舞獅表演，雖然網上有人話冇西樵山果邊咁好睇，但點都好睇過響香港睇架喇﹗

呢d關西風情玻璃窗，真係好得我鍾意架﹗

佛山既特色建築，型呀﹗

祖廟內上百年既木雕

佛山有名既石灣公仔

本以為隔離間民間藝術館有野睇，點知只係賣紀念品既地方，行左一個圈就去左前晚食雙皮奶果間野食刨冰喇，估唔到刨冰又幾好食喎﹗
坐左成大半個鐘地鐵過去廣州行上下九路(長壽路站)，主要係食野，但又開始落雨，真難搞﹗
我地去左蓮香樓飲下午茶，再去食腸粉同雙皮奶，再行去一德路買玩具。
老爺買左呢部直昇機，平過鴨記兩百蚊港幣。

六點幾去到廣州東，但九點幾至返到香港，筋疲力盡，食個壽司就返歸喇﹗

 

 

廣州佛山三日悠悠遊(中)

30/6/2013
本來想響附近揾早餐食，但揾唔到，於是坐的士過去南風古灶果邊睇吓，果然有local野食，正﹗
食飽飽，行南風古灶，原來同祖廟一齊買聯票平d喎，RMB35咋﹗

呢個古灶，真係好歷史悠久架，始於1506年架，因為向南，所以稱之為「南風」﹗

由高處望向古灶既建築群

火神

一入去就見到郵局

許願樹

藝術工作坊

大榕樹

佛山真係周圍都有李小龍架﹗

出左南風古灶就係石灣既公仔街，本來想買一對雞，但都係覺得唔夠鍾意，算﹗

再行多少少就係石灣公園

旁邊就係呢個咁搞鬼既馬桶瀑布喇，長超過100米，高5米，好壯觀喎﹗

之後，響麵包店坐低食左少少野，就行左去對面間「潘柏林美術館」睇左一陣。呢間係一間私人美術館，潘先生除左有錢，陶藝亦非常了得。入黎呢度除左可以睇吓野，又可以涼吓冷氣，裝吓水，去吓廁所，仲可以問吓路，唔錯唔錯﹗

我地坐巴士過黎創意產業園，都只係十分鐘左右。本來我會以為呢度係好似高雄個駁二或者北京個798咁架，但係有少少失望，呢度都係飲飲食食既野多過藝術野。

只有少少囉﹗

行到兩點幾，再坐多幾個站巴士就返到嶺南天地，我地揀左呢間「my coffee」歎afternoon tea，好高級既收費，但環境非常好﹗我地一坐低就落左場大雨，結果我地坐左成個鐘，hea爆至走。

之後就響嶺南天地周圍影吓相喇，本來諗住聽日至黎，冇乜人，但今日冇咩做就行吓啦，咁聽日多左既時間，路人甲就開心囉(去買玩具呀)﹗

影完一大輪，返左去沖個涼再出去揾間local餐廳食飯，行吓街，去牡丹樓飲吓凍飲，今日圓滿結束﹗