去完尼泊爾，成塊面乾晒，本來已經好勁既乾紋，發展到好「全面性」喇，唯有拿拿聲補一補佢。
今次個mask既材料如下：
蛋白一個
原味乳酪一湯匙
麥皮三至四湯匙
蜜糖一茶匙
*效果：保濕美白
**可分三次使用，每次十五分鐘
2010年5月25日 星期二
到左呢個年紀......
上年開始，我開現多左好多乾紋，似乎係去完新彊風乾左所致，於是買呢樣揸買個樣揸，又去吓做d免費facial試吓，結果出事喇﹗
去左Borghese試完之後，本來走人架喇，佢又sell我買course啦，我老老實實咁話我其實唔做facial既，但佢吸引我既地方係，我買佢d野，放響度，我得閒就去，佢有儀器幫我做，效果會好好多。結果，買左，好貴，貴到可以買一部單反，用成世，或者買支靚鏡頭，保吓值﹗
後來做左幾次，佢次次都響度sell野，我覺得好煩，成日好怕會心軟成日買野。尋晚，終於的起心肝去攞返所有野，自己響屋企做。
但係，尋晚播既「星期二檔案」d專家同醫生都話：實驗証明一支政府俾病人既保濕cream同一d幾百蚊既cream既效果無咩分別﹗吓......
但係我好認同節目裡面有個女人既講法：到左我地呢個年紀，有能力既話，貴d都想試吓架啦﹗
我希望我會繼續好明智咁試囉﹗
2009年10月7日 星期三
減肥
我，好幸運，一直都無需要減肥，但係，有時懶左，都會發現個肚有小小凸，對大脾有dd粗左。
由九月開始，一直都好似好多野做，我做野又鍾意一氣呵成，所以有時就算餓住個肚都要做埋d野先。結果，到食野時就無咩胃口食，好多時求其立立雜雜咁食d野又當一餐。個幾月喇，到今日，我發現，就算做少左運動，都瘦左好多。
有d女人，減肥係佢地一生既事業，但係佢地從來無想過要平衡d（即係樣樣食少d）咁食野，當然亦唔願意去做運動做到有攰既感覺啦。其實，佢地有無見過窮人肥架？﹗有無見過d勞動人民肥架？﹗無見過又無途徑見？唔緊要。我作個比喻啦：
就當d肥脂係你d錢啦，你個身體係個銀包啦，你唔去搵錢，邊有錢放落銀包呢？（你唔食又點會有肥脂呀？﹗）你d錢放響銀包，唔用唔買野又點會無晒呢？（你唔做運動，無啦啦d肥脂又點會無晒唧？﹗）
但係，呢d減肥女人就總係唔明呢個道理，只係識得駛錢去做呢樣機個樣機，食呢樣丸個樣丸，然後又話人地d野無用。
其實，用最自然既方法就係最好既，大自然係最均衡既，根本唔駛食藥做機，除非真係因為有病而肥啦（真係會架，咁就要睇醫生喇﹗）。
＊＊講明先，如果你係女人，如果你係食藥做緊機減肥，我唔係話緊你呀吓﹗
2009年4月3日 星期五
超抵買呀﹗
今年真撞鬼，不經不覺間，自己白白痴痴，反應極度呆滯之下，幾乎成個教員室d妹妹同事都知道左我幾多歲。至於點知？就係自己一時白痴囉﹗
好彩，d妹妹同事實在善良，在知道既一刻都做左個「吓，簡直係不可思意的真人真事呀」既反應俾我，仲附加上好多讚美既說話，實在多謝佢地呀﹗
其實，我無咩護膚秘訣，只係盡量早d瞓，飲多d水，日日清下條大腸，做下運動，至於facial嘛，已經有成四五年無去做lu，只係自己響屋企得閒無事就敷下野咁啦﹗不過都唔會敷d好貴既野，就好似呢隻咁，都有用架，平時買開個間藥秀澈平，平到上過生活著數台架，但係今日行屈人寺時，發現佢賣得仲平過藥房，＄149.9，十五片，仲有野送。
就係送左呢個鏡喇，都實用架﹗
2009年3月4日 星期三
2008年1月29日 星期二
訂閱：
文章 (Atom)