1．幾千蚊可以俾我睇清楚有d人既人格好有問題，證實左我一直都深信既事實：書愈得多既人愈不知廉恥、權力愈大既人手段愈拿渣。蝕幾千蚊，抵呀﹗
2．一班好朋友、好同事，紛紛安慰我，聽我發up風鬧爆d廢人，幫我呢樣個樣。蝕幾千蚊，抵啦﹗
3．一件「小事」，令我更清楚明白，更堅定肯定未來一兩年既去向。蝕幾千蚊，抵過搵蘇民峰啦﹗
4．路人甲知道我俾人蝦，呢兩日見親我都dum我開心，又講到就算無錢洗都支持我任何決定咁，今晚又出黎等我做完gym接我番屋企（平時係我唔俾佢接接送送既，我無腳唔識搭車咩，做咩要換佢既時間俾我呢），一見面就送左盒Royce朱古力俾我，雖然細細盒，但係都係好有心思架喇﹗好開心，又好好味﹗蝕幾千蚊，抵到賴啦﹗
透過一件事情，讓大家張開眼睛睇得更清楚，什麼也值回票價，"抵"！
回覆刪除人生往往就是這樣，有些事情唔經歷過，就唔知道世間的真面目，有些聰明的人可能一兩次就會有好大的體會，有些人可能要經歷過好多次才領略到，而有些人就成世人都領悟唔到啊！D 野要睇睇機會，或者自己有無嘗試去挑戰自己，吾日三省吾身！
其實，MUG 野都係假，最緊要係你老公對你超好，心都甜哂！
你係一個幸福嘅小女人，真係羡慕死人！
[版主回覆05/08/2009 08:30:00]你都無出錢，梗係抵啦﹗點呀，諗住出番幾多支助我呀？
你講個d人，我係咪第一種，你係咪最後個種呀？
一班好朋友、好同事，紛紛安慰我，聽我發up風鬧爆d廢人，幫我呢樣個樣。蝕幾千蚊，抵啦﹗
回覆刪除呢樣嘢洗鬼 side 幾千蚊咩 ? 乜唔係一早知架咩 ?
[版主回覆05/08/2009 10:27:00]我有班好同事同埋好朋友呢樣野，就梗係一早知啦，但係親身既體驗個種好法係唔同既(雖然平時都好好，但係一有起事上黎，個種好法係唔同d架嘛﹗)就好似去旅行咁，睇書睇雜誌上網搵相都知個地方好正架喇，咁去左同無去既分別係咩呢？就係「感受」囉﹗
仲有多左3本書... 通常事情發生, 都會 trigger 日後既改變, 從而有幾好既未來... hehee 我真係一直都覺得, 你搵到一個超好既老公 請問路人甲有冇差唔多品格既未婚男性朋友, 可唔可以介紹比我識? 哈哈...
回覆刪除[版主回覆05/08/2009 12:45:00]路人甲係極品黎架喎，好難搵到多一個架，不過我都會為左你而努力留意一下架﹗
真係好多謝你幾本書，希望我全部都睇得明啦﹗
仲有，好想講左好耐，次次都唔記得：你個blog呢張相影得你好鬼靚呀﹗
嘩！妳D正能量多到派通Blog
回覆刪除我地仲抵呀！
[版主回覆05/08/2009 13:09:00]你就好啦，睇下都有jetso﹗
唉也，唔係呀！我又未至於最後個種！
回覆刪除[版主回覆05/08/2009 23:25:00]咁，尾二個種囉，開心d未呀？
我希望有朝一日做到第一種！
回覆刪除[版主回覆05/09/2009 08:22:00]你都得既﹗
唔知乜事，但係支持妳!!
回覆刪除[版主回覆05/09/2009 16:27:00]十萬個多謝你﹗