佛誕粉嶺至上水一朝遊

2/5一早起身去左粉嶺坪輋d舊村食早餐，然後就起步上「港式萬里長城」喇﹗（浸會會再入多少少，龍x酒家對面條小路入）

呢日真係天朗氣清呀，條長城無遮無擋，晒足兩個鐘。（九點行到十一點）

呢度以前係軍事重地，係禁區黎架，所以一入去就見到有個更亭喇﹗

應該火燒完無幾耐，一半小草，一半枯樹。

同路人甲影番張相先。

途中拾到呢個綠寶汽水樽，如果係完整既就好喇﹗

又遇到呢條有我隻腳板咁大既蚯蚓，佢缺水呀，就死架喇﹗

軍營一景。

呢度就係名聞遐邇既「粉嶺新圍大嶺靶場」喇﹗

竟然有人棄置黑膠唱片呀，變態架﹗仲要拎上黎個山度掉，精神有問題架﹗（唔只一張，有成疊架）

呢度勁近深圳，後面就係喇﹗

深圳呀﹗後面個排先係，前面d村屋係香港黎既﹗

「港式月亮灣」，其實係梧桐河至真﹗

點解呢度叫「萬里長城」？睇下似唔似先﹗呢條路一路由粉嶺伸到去上水架﹗

途中見到有人非法開墾土地種野，又種得幾靚既﹗

落到上水，見到呢間由嘉頓麵包變身而成既屋仔，好有趣呀﹗

河邊有人釣魚，真寫意﹗

行完一朝，返粉嶺攞番架車再去街市買野，夜晚燒野食﹗