第十五天，Kos

6/5/2011，星期五，陰轉晴，第十五天，Kos(Greek island)

今日提早左食早餐，因為要搭0800既小巴出城，然後去碼頭，過海關，坐0930既船去Greece(船費來回TL15)。

出發喇﹗呢個係尋日行過既城堡呀﹗

上到船，風好大，大家仲以為可以show吓三點式，點知個個包到實一實。唔好見個鬼佬著咁少，以為好熱呀﹗

一個鐘既船程說到左Kos島喇﹗上岸之後，問完一輪巴士呀，遊城小電車呀，結果，去左坐巴士(來回4.4歐羅)，上山睇風車。

行去巴士站途中，都係一d小街，有好多人踩單車，我都好想踩呀﹗

Kos既小城feel好重，街道好整齊乾淨，好有渡假感覺，如果有時間，真係值得住一晚，而且，由呢度去米島同仙島，快過由雅典去，下次真係可以考慮吓。

周圍都好藍

上到山喇，個風車其實係響路邊架咋，不過，我地得個零鐘玩，夠晒﹗司機重提醒我地架巴士幾點會經過呢度去番城，驚我地miss左班車，落唔番去，真好人﹗

睇完個風車，就周圍行吓啦﹗好藍，好藍，周圍都好藍﹗

呢個山頭，好寧靜，好舒服，重可以影好多靚靚Greek style相，正﹗

響風車對面有個當地民族展覽廳，好細，入場費：1.5歐羅，大家都唔打算入去，因為間屋打開左個窗，咩都睇晒囉﹗

周圍行其間，見到有間包晒絲帶晒屋，哈哈，路人甲真鬼馬，咁遠都送間屋俾我......

坐巴士途中，成日都見到呢種小chapel

落到城，都仲未夠鐘上船，於是繼續浮游，呢間教堂入唔到去，但外面已經好靚喇﹗

呢隻係快船，20分鐘即到Bodrum(好似貴好多架)，我地坐果隻要1630至開船，一個鐘至到。

返到Bodrum個城，繼續有景

搭車去Selcuk之前，行左一陣尋日個街市，早左黎，果然多好多人。

薊，食得架，不過我無食過，唔知咩味呢？

坐車去Selcuk途中，日落喇，好靚﹗足足坐左六個鐘至去到Efes，好彩間hostel響車站附近啫﹗