－－－－－－－－－－－－－－－－－－－－－－－－－－－－－－－－
學生：「Miss，我好急呀，我肚痛呀﹗」
我：「紙巾呢？」
學生：「咩呀？無呀﹗」
我：「你去大便唔洗紙巾咩？」
學生：「我去小便之嘛﹗」
我：「小便關咩肚痛事呀，你條直腸同個膀胱調轉左呀？」
學生：「咩呀？Miss，我想去廁所呀。」
我：「你連自己想去大定小都未搞得清，唔准去。」
－－－－－－－－－－－－－－－－－－－－－－－－－－－－－－－－
學生：「Miss，我要去廁所。」
我：「好啦，放學俾你去啦。」
學生：「哦﹗」
－－－－－－－－－－－－－－－－－－－－－－－－－－－－－－－－
學生：「Miss，去廁所。」
我：「我無諗住去廁所喎﹗」
學生：「Miss，我去廁所。」
我：「好呀，小息俾你去。」
學生：「Miss，我想宜家去廁所。」
我：「好呀，你呢個要求咁突然，等我做下心理準備先，一陣我準備好就俾你去啦﹗」
學生
－－－－－－－－－－－－－－－－－－－－－－－－－－－－－－－－
學生：「Miss，我想去廁所。」
我：「唔去。」
學生：「我好急呀﹗」
我：「啱啱先至小完息，點解你宜家又要去呀？」
學生：「小息唔得閒呀﹗要打波呀﹗」
我：「好野，我教咁耐書都未見過中學生賴尿，喂，唔該晒喎﹗」
學生
－－－－－－－－－－－－－－－－－－－－－－－－－－－－－－－－
沒有留言:
張貼留言