坪洲禡行鄉2013

每年農曆七月廿一日(27/08/2013)坪洲都會舉行禡行鄉，即係天后出巡，係坪洲一年一度既大節日，好多搬左出去既坪洲人都會返黎湊熱鬧。
我同路人甲一早出門，坐十點船去坪洲(平日慢船$14.4, 35分鐘船程)，去到後誤打誤撞去左出名既祺森冰室食早餐，成三十蚊一餐，都唔平喎﹗(我覺得食物一般)
禡行鄉一點先開始，開始前，我地周圍行吓。

十二點幾，禡行鄉開始喇，就響天后廟對出個空地(即係一落船就見到果度)
我覺得係成個坪洲既人都參與左呢個活動架﹗

今次最特別係見到有大象

天后廟，其實好細架咋

仲有未見過既舞魚龍

呢隻猛fing頭既係鶴佬麒麟

呢隻係客家麒麟

阿叔紮行馬架﹗

響天后廟外舞完一輪之後就會遊坪洲一圈，我地又跟住行左一陣，然後響龍母廟坐陣等吓。

幾鬼靚既舊屋

然後巡到惠平幼稚園(龍母廟附近)對面間小學又舞一輪。

之後就會返去天后廟，有d隊伍會跑埋去天后廟

仲有人打功夫

搞到成四點幾，攰到無朋友，揾間冰室飲杯野坐吓休息吓先。
之後就周圍行吓。
坪洲除左救護車之外就無車架喇，呢個sign係俾單車睇？

呢間坪洲戲院好大間，可想以前坪洲好繁榮，工廠多，人口多

坪洲以前有間火柴廠，好似話係全亞洲最大架，後來有左打火機，火柴廠就執左喇﹗

手指山頂，廿年前黎過，無樹，好開闊，可以望到好遠。

上手指山既梯級

上手指山時經過呢個豪宅區，嘩﹗真係要身體好健康既人先可以住得呢度(行好鬼多斜路至返到屋企)

本來想睇埋日落至走，但原來坪洲係睇唔到日落既，只有咁樣，所以決定坐六點九班船返中環(平日快船$26.8，20分鐘船程)