三日金門單車遊(下)

1/7/2012

一早七點幾，民宿主人就預備好早餐喇

坐響天井食早餐，真係一樂也架﹗

九點，出發，今日要搬去歐厝，所以要帶埋行李踩車。首先去左成功既陳景蘭洋樓，好大既一座西式大樓，裡面展出好多金門既名人歷史。

陳景蘭洋樓出面就係金湯公園

踩向歐厝路上，見到呢座「中華民國萬萬歲」

本來係幾趕架，因為約左歐厝既主人十一點開門俾我地，但係無意中發現呢個乳山遊客中心，入面有好多飛機大砲，唔入去行一轉就對唔住自己啦﹗

遊客中心後面就係中山紀念林，好靚既一個公園，入面仲有單車徑添，連mountain bike啱玩既山路都有架，我地沿單車徑去到單車故事館，行左一陣就去酒廠喇﹗

單車徑上有好多蝴蝶，多到我從來未見過咁多，係幾廿隻響你身邊飛，好壯觀呀﹗

路上又見到風獅爺，呢兩隻係有顏色架﹗

經過酒廠時，本來係想入去既，但係又唔似招呼遊客，而且時間已經係十一點喇，所以都無考究入唔入得，影張相就踩去歐厝喇﹗後來歐厝既主人話我地知原來係可以入架，咁下次啦﹗

去到歐厝揾到間民宿(都係1600台幣一房一晚)，俾左錢，放低行李，又出發喇﹗今次係去歐厝附近既珠山聚落，呢度好靚，好寧靜﹗

玩完珠山聚落就立即去翟山坑道

玩完翟山坑道已經過晒食晏時間，附近最近有野食既地方應該係水頭，於是我地又踩去水頭，路經古崗湖，雖然唔係好大，但就好靚﹗

去到水頭好彩仲有得食，好多好多蚵仔既麵線呀﹗

蚵仔煎，個樣唔係好得，但味道好好好得，好多蚵仔，仲好平﹗

食飽之後就行下水頭，因為果日留呢度都無時間玩晒d地方

前兩日留響水頭，都無上到得月樓二樓，今日要補返數

佢好似開平d碉樓咁架，樓上開左窗，防盜呀﹗

玩完水頭，差唔多時間要去還車，經過金城，入左市中心，想揾吓條模範街，點知去左總兵府﹗經過呢間廟，又幾靚喎﹗

最後都踩到去模範街，但係比我想像中細好多，只係一條好短既街

之後︳夠鐘還車，就踩返去借車既莒光樓，攞返本護照。幾好天，呢三日除左第一日比較陰天之外，其餘兩日都係曬到不得了架﹗

我地之後行左落去買野食，本來想搭巴士返歐厝，但係班次好疏，結果都係搭左140台幣的士。返到去沖個涼，舒舒服服咁響前院食飯，睇吓星星，傾吓計，最好野既又係成間屋得我地兩個，其餘既住客響我地瞓既時候都未出現，咁即係又係租左一間屋，正﹗
我地間房，同其他既古厝都係差唔多﹗

都係有個閣樓

呢間好大呀，除左呢個天井，仲有個前院架﹗

歐厝都係一個聚落黎架，好舒服寧靜架﹗

你睇鋪到幾靚，附近仲有個沙灘，不過路人甲無興趣去，我都無得去。

2/7/2012
今早要坐0830既船返廈門，所以早餐都無得食，但係民宿主人好好人，幫我地包好晒d早餐俾我地等船時食，又車埋我地去碼頭。好順利咁去到碼頭買好飛，食飽飽，上船瞓多覺，一粒鐘就到左廈門喇﹗(船飛750台幣)
我地坐的士去長途車站(的士12人仔)，但買唔到1030既車飛，只買到1110既，唯有響熱到死既車站等車啦。(車飛235人仔)

架車係卧鋪，但都唔係好舒服，日頭光光又瞓唔著，又無窗簾，唯有好似露宿者咁掛晒d野響度遮光啦﹗坐到1930，終於到深圳。