三日金門單車遊(中)

30/6/2012
今日一早起身食左民宿為我地預備既廣東粥、油條同包之後，我地就響水頭裡面行吓，因為尋日無時間行，今日又約左小徑村既民宿主人黎接我地，所以就響附近行左一個鐘。

得月樓

巷中洗衣石盆

舊民居

我地又走左入人地既古厝周圍睇

呢d磚好鬼靚

得月樓內

九點正，我地約左小徑既主人黎水頭既民宿度接我地，本來我地係打算踩單車過去既，但係小徑既民宿主人又非常咁細心，怕我地揾唔到，所以揾架大車載走我地兩架單車，然後用私家車載我地過去。都好，慳返d時間。小徑其實係響成個金門既中間，我地住呢度都好呀，踩去東面玩完唔洗踩返水頭咁遠呀﹗
呢間就係小徑廿九號喇﹗(一晚一間房，1600台幣，同水頭果間一樣)

似乎所有民宿都有閣樓，一間房可以住四個人喎﹗

大廳，超舒服，一踏出房門就係大廳，呢日又得我地同叧一家人用，佢地夜一夜都未返，我地好似包左成間屋咁，返左屋企一樣呀﹗

民宿內既棋，好有趣﹗

放好行李後，立即出發﹗
今日既目標係東面，我地首先上東北面，沿路都好靚，仲見到薰衣草呀﹗

田墩海堤

田墩海堤呢個亭已經荒廢左喇﹗

響個亭旁邊有條小路，好好踩﹗

又係呢d軌條砦

風獅爺呀，成個金門都有好多架，揾到佢地好開心架，因為佢地個樣個個都唔同架﹗

之後就去左馬山觀測站

入到去好涼呀﹗

由觀測站向外望

離開馬山觀測站，我地去左山西食晏，食完後，經過楓香林時，落左場大雨，趁無咁大雨，我地入左去碧山既一條村度逛吓。

但係後來，又好天到不得了，呢度係八二三戰役勝利紀念碑。

環島東路三段，超靚﹗

之後去左復國墩

經太湖同埋護國寺，返去山外揾食，但係時為五點幾，都未係好肚餓，但係小徑又無野食。

山外，算係一個市區，所以似返個台灣。

我地買左便當，返去民宿食，沖完個涼，響大廳慢慢食，真係屋企一樣呀﹗食完個便當之後，我先至知道，我除左鐘意食台灣七仔既飯糰之外，呢d便當我都好鐘意食喎﹗

食飽，食埋七仔甜品，十點，叧外個家人返左黎喇，我地就去瞓喇﹗