家頭

另一奇人異士：家頭。

有一天，我工作期間，突然感到一鼓氣由我的右邊直衝過來，原來是作風緊張的家頭。

家頭問我：「我想響星期五借家政室來翻熱一些食物，可以嗎？」

我心裡用一千零一秒答「no」啦：「唔知翻熱咩食物呢？」

家頭繼續look大對眼(比我更大，無法同佢鬥)，皺起眉頭，鼓起兩片唇：「燒賣呀，蝦餃呀咁啦。」

我：「用微波爐叮咪得囉。」

家頭把眉皺得更緊：「吓，叮都得架咩？」

我心裡xyz@#$：「當然得啦。」

家頭：「響邊度有得叮呀？」

我好想答「響你屋企呀」，但結果好有禮貌地答：「我地日日斟水個度咪有囉﹗」

家頭：「但係我要洗提子喎？﹗」

我面部開始扭曲：「洗提子更加唔洗一定要響家政室洗啦﹗」

家頭：「咁響邊度洗呀？」

我好想答「洗衣鋪呀」，但結果我送多個笑容：「pantry咪得囉﹗」

家頭繼續發功：「我要洗百幾人嘅提子喎？」

就響呢一刻，我聽到平時我覺得很討厭的上課鐘聲響起，突然覺得我平時實在對它有很大的誤會，因為在這一刻，它實在很可愛：「呀，我要上堂喇，我唔同你講住。」我以百分之一秒離開了我的座位。上課鐘啊﹗你實在是我的救命恩人呀﹗