家頭之趣聞

這陣子忙於學校的事，這兩天又忙於耍樂，今天終於有時間寫「奇人異仕錄」了。

家頭為了上星期五的活動，很早已經很緊張了。活動中需要兩個吹氣大波波，於是她在上星期一已經向氣球學會的老師(L)借電氣泵。

L：「星期五先係個活動，你咁早泵呀，會漏氣架喎﹗」

家頭：「吓，咩會漏氣架咩？」

L ( *O* )：「係呀，星期五我幫你泵啦，個泵要一下一下泵至得架，泵得太耐會壞嘅，好嘛？」

家頭：「唔得呀，我一定要今日泵左佢，我無時間喇，你俾我自己用啦，我得架喇﹗」

L ( "~" )：「好啦，你小心D用啦﹗」

一會兒後。

家頭：「個泵真係壞左，佢唔郁呀，我落一落一樓，好快上番黎。」以極速的步伐離開了，留下仍在冒汗的L在苦惱，想著辦法為那價值$1700的氣泵及快要被家頭激死的自己急救﹗﹗﹗

很快又到了星期五了，家頭又再出現於L面前。

家頭：「呀，原來D波真係會漏氣架，我想你借多次個泵俾我呀。」

幸好，氣泵命硬，L返魂有術，而L已決定由得家頭用，用壞了便要她賠，所以又把氣泵借出了。

L：「其實，去書局泵波只不過係幾蚊啫，點解你唔去泵呢？」

家頭：「Hey，慳得就慳啦嘛﹗」

L：「不過我今日小息要用一用，你可以到時俾我用一用先好嘛？」

家頭：「好，我食lunch個時俾返你啦﹗」

註：小息之後才到lunch

L：「我小息要用喎，你lunch先俾我，我點用呀？」

家頭呆了幾秒才明白過來：「呀，我第三堂之前俾你啦﹗」

結果，家頭再次令氣泵短路。最後，她花了四個大洋去書局把氣球泵好了。

啤~