後生仔的觀點

我班有一個情緒有問題的學生，kw，他的媽媽今天打電話來，希望老師幫一幫kw。原來kw向媽媽表示自己常常因欠功課而被老師罰抄，感到很不開心。kw的媽媽知道kw並沒有寫好手冊的習慣，所以自己不能幫kw檢查做好功課沒有，於是很緊張地打來求救，不幸地，這個電話由H接聽了。H收線後，走過來找我。

H：「kw阿媽話佢個仔感感感感感，所以唔開心，叫我地諗下辦法幫佢，又想社工輔導下佢個仔，等佢接受到自己唔做功課俾老師罰係應該嘅。但係我覺得阿kw係恃住自己個病就成日呢樣個樣。」

我：「 好簡單，叫坐kw隔離個yy同學幫kw睇下手冊有無寫好囉，yy好乖，應該ok，幫到kw嘅。」

H：「但係呢個唔係yy嘅責任喎，係kw嘅責任。」

我：「係，呢個唔係yy嘅責任，宜家係叫yy幫下kw啫。」

H：「但係都係無理由要yy負責架。」

我好想一腳伸死H：「都話唔係要yy負責呀，唔係叫你去恐嚇yy，話阿kw如果無寫手冊就罰阿yy，係邀請yy幫下d無咁叻嘅同學。」

H：「但係咪要yy無端端做多左野囉，好似唔係幾好喎。」

我夠無責任要幫你收拾殘局啦，咁我拍著你夠無端端做多好多野啦，咁我係咪應該唔再幫你呢：「咁咩野叫做幫呀？你d學生唔係個個都咁精靈架嘛，要d叻d嘅學生去幫下同學有咩問題先？(其實係講緊我同佢，事實上同學幫同學叫做熱心助人，同事幫同事，仲要係成日個隻，就叫做累人累己，其實H好應該響每個月份量度分d俾我啦)阿呢位家長(佢仲煩過d家長呀)。」

H：「我始終覺得呢個係kw嘅責任。」

我心裡面已經串晒字：「一係咁囉，你得閑又上下去睇下佢有無寫手冊囉，好無？除左咁，你有無咩好方法呀？」

H：「........，但係kw個阿媽話想叫社工幫手。」

我：「嗱，你又諗唔到方法，搵社工都可能係呢招架咋，而且唔係下下都要社工嘅，呢d小野，我地同kw傾下都得嘅，不過如果佢阿媽有要求，咪同社工講聲囉，咁你跟定搵yy呢？呢位家長。」

H：「搵yy囉。」

我：「我等陣同yy講啦，我見到社工就同佢講聲啦，搵到kw個阿媽(佢好難搵架)我會叫佢檢查手冊時簽番d名架喇﹗ok？唔該晒，唔該晒呢位家長下﹗」

終於完結本來只需十秒的對話。我心裡面又再響起一個問題：「幾時先到暑假呀？嗚...鳴......」