後生仔亂點學生

因為有學生表示星期一要上放學的數學補習班，所以怕星期一出camp後不知怎算，於是，我向教我班的數學科老師—H查詢。

我：「有邊d學生上星期一數學補習班架？」

H：「呢5個。」(show了一張list給我看。)

然後，我上去班房問這些學生。

我：「你地係星期一上補習班，係咪？」

A學生：「下？我唔係呀﹗咩唔係星期四上咩？我上次問Hsir，佢話星期四架。」

B學生：「我都唔知幾時上，我唔見左張通告，Hsir又無俾番我，我唔知呀。」

C學生：「我有通告，不過唔記得幾時開始喎。」

D學生：「我問同學，佢地話係星期二呀。」(因為星期二亦有一班數學補習班，由九月已經開始上的了，而這個星期一的，是新辦的，學氐只會出席其中一個補習班。這些資料都是我向數學科初中科主任查詢得來的。)

於是，我找來一張通告，原來補習班昨天已經開始了。五個學生都沒有出席。

我：「其實有幾多個學生係星期一上架？」

H：「其實唔係全部5個架，好似得一兩個架咋。」

我：「唔係喎，我問過晒d學生，五個都係喎。」(一試就知H又亂答我。)

H：「係咩？」

我：「咁佢地係咪只係上星期一個班？幾時開始？」

H：「……我尋日先知佢地要上堂咋。」

我：「點解你會唔知佢地幾時上補習班呢？你係佢地數學老師喎？」

H：「都唔係我派通告，我完全唔知喎。」

我：「哈，咁即是初中科主任錯啦，咁你兩個自己死過啦。係佢錯姐。」

H：「係啦，我都唔知，都唔係我派通告。」(H仲唔知我話緊佢，參加者名單係由佢交俾科主任既，佢無可能唔知。就算無人通知佢，佢點都應該問清楚幾時開始，成個補習班有咩資料，佢都應該主動去問啦，一句無人話我知，d通告唔係我派，就唔關佢事咁，點做野呀？﹗)

我：「我唔同你拗，我淨係要d學生上齊d堂，你係絕對有負責提佢地，而且有d學生上星期一，有d上星期二，佢地豬豬地會好亂架，ok？」

結果，我自己上去班房再三叮囑學生上堂的時間及日期，與及下星期一的特別安排。