軍訓營點滴

星期六、日、一，跟學生去了三日兩夜軍訓營，一共只睡了八個小時，真的很累﹗不過，看見學生真的學到點東西，又令我很高興。本來其實可以多睡 一點的，但 一來我不喜歡小睡，起來後多會呆呆的，二來我不想錯過學生在營內的一點一滴可愛及可笑的事件和表現，所以睡得真的很少。

話說回來，其實最可笑的是S同事和P同事，例子一：

正當大家開開心心吃著忌廉蘑菇湯加通心粉早餐時，好突然問：「呀，呢d係草菇呀可？」

我：「唔係，係蘑菇。」

S扁一扁咀，飲了兩口，繼續：「呀，陸Sir真係細心呀，將d蘑菇切到咁細粒。」

我：「呢d係罐頭湯黎架﹗」

S好認真地問：「係？......你點睇得出呀？」

我唯有O咀啦﹗

例子二：

P同事向三位同事分配工作：「嗱，A同事就負責第一組，B同事就負責第二組，C同事就負責第三組，我同S同事就負責影下相同輪住瞓覺。」

大家立即嘩聲四起：「阿頭係唔同d喎，可以輪住瞓，我地做細就係得個做字啦﹗輔頭，輔頭，正一芋頭。」

芋頭(即是P同事)唯有立即更正，承認自己有語(乳)病。

學生的趣事就更多，例子一：

當大家上山時，幾乎每人都需要拿一袋水。A同學和B同學一同拿一袋水，但只行了三十多級樓梯，A同學便放下水袋，不理一切的走開了，留下B同學在叫救命。老師看到了，便把A同學叫回來，但再行多幾分鐘，A同學又再次放下水袋，一支箭的跑開了，只不斷叫著：「我個膊頭好痛呀，我唔攞呀。」這位A同學的行為實在是無賴至極了。

例子二：

當大家都行得怨聲載道時，竟然有學生大叫：「嘩，咩山黎架，呢座山邊個起架？」

GOD KNOWS﹗

例子三：

學生需要自行煮食，其中一樣材料是生菜。A同學把菜煮了很久，但不知是否已熟，可否食用，於是便問同學：「喂，d生菜得未呀？」

同學回答：「都話係生菜咯，有名你叫啦，又點會熟呢，食啦﹗」

例子四：

我對學生一直都頗嚴，問題多多的學生更會覺得我惡，所以其中一名學生曾經大膽地向我表示：「Miss，你unbeautiful呀﹗」

我呆了一呆，不懂得回應，只懂大大聲地笑。後來，在軍營中，我叫同學去幫這位大膽學生分擔工作，他竟然用一千零一秒的時間回答我：「Miss，你開始beautiful喇﹗」

他讀書時的轉數與「串咀」的轉數實在不能相提並論呀﹗

例子五：

返到學校後，女同學問我：「Miss，點解我成身咁痛架？我坐低起身時，痛到好厲害呀，你係咪咁呀？我會唔會有咩事呀？」

我：「你有嘅問題係你平時無做運動，所以係咁易行下山就好痛囉﹗」

唉﹗香港小孩真的沒藥可救了﹗

還有很多很多，包括他們的三級pat上壓、左右不分、亂叫command、女同學的AV版”Yes, Sir”啦........我笑足三天，仍然回味無窮。希望他們都和我一樣，對這個camp回味無窮吧﹗