生日免費遊山頂蠟像館

之前只知道生日可以免費玩海洋公園，原來蠟像館同昂坪360都有生日優惠架﹗
昂平360同海洋公園要生日當日至可以免費，我當然揀去海洋公園啦，但好可惜既係路人甲響我生日果日腳痛到唔行得，我唯有留響屋企照顧佢啦﹗
山頂蠟像館既優惠可以係生日前一日或後一日或當日都可以用，咁我響生日之後一日，等路人甲行得好d，可以返工，我就自己上左去，我從來未去過架﹗

蠟像館分兩層，下面果層仲有鬼屋玩添。

林志玲，似

吳君如，靚左

張柏芝，好誇

周杰倫，似

古天樂，唔似

我唔識佢，都幾似

鬼佬係最似

劉德華，好假

樓梯既牆上面有好多講吓杜沙夫人蠟像館既歷史，我前年響倫敦街頭漫遊時，有諗過入唔入去蠟像館睇卟，但結果都係唔入，一黎貴，二黎我唔識得好多鬼佬名人。

皇妃好靚，好似

侯賽恩都好似架，不過膠左少少

甘地，OK

希特勒，OK

李光耀，OK

畢加索，唔知似唔似

佢隻手就甩喇﹗

我既至愛呀，但係都唔似既

坡頭四，OK

愛因斯坦，似喎

最似，講笑啫，唔似蠟像黎架

同姚明打波位仁兄係真人黎架﹗

碧咸，OK

李麗珊，假到不得了

細哨，OK

Tiger，OK

貓王，似

米高，似

鄧麗君，一d都唔似

古巨基，好似

容祖兒，全場最唔似

嘩，唔逐個講喇，大家自己睇啦﹗不過有d響現場睇係差過影相出黎個效果架﹗

嗱﹗佢明明係李連杰，但現場睇呢，明明就係尹光，哈哈﹗

沙士比亞，真係今日至見到佢個樣﹗

Twins都係非常唔似樣架﹗

原來，楊千樺個頭好大架﹗

陳慧琳係放響門口既，唔入去都可以影

元朗—尖鼻咀—流浮山—上下白泥—菠蘿山—屯門—洪水橋—元朗

22/3/2013
一早食完早餐，揸車去錦繡花園，泊低響朋友屋企，就踩去元朗等埋其他朋友，開始呢日既行程喇(元朗—尖鼻咀—流浮山—上下白泥—菠蘿山—屯門—洪水橋—元朗)，本來今日只係hea踩架咋，點知去完上下白泥之後，佢地話上菠蘿山睇吓，睇睇吓就踩埋過屯門，踩到我呢~~~~

去到流浮山，梗係去睇吓海鮮啦﹗

但係我地選擇去下白泥食飯，呢間村公所旁邊間平安堂d野好食喎﹗


食完飯，踩入條小巷就會見到當日孫中山先生著草住過既地方

無幾耐就踩左上菠蘿山喇，講真，太斜，我推多過踩﹗

其實呢日係不斷咁食，食到夜晚元朗呢餐，我好明白點解愈踩單車會愈肥喇﹗

生月整生日蛋糕

3月頭，見網購有個立體玫瑰花蛋糕班，二百蚊一位，ok啦，幾個同事一齊去上，自己整個生日蛋糕俾自己。個蛋糕真係幾靚架，但係d花瓣太甜﹗

三遊大埔來回南生圍

呢兩三個月踩單車踩左三次大埔來回南生圍
第一次，13/2，我、路人甲同一大班潛水朋友，目的地：南生圍陳記食晏，呢次最多雀仔睇
第二次，3/3，路人甲上左大陸踩山地車，我同一大班潛水朋友，目的地：敬輝農場食農家菜
第三次，7/4，路人甲、我同埋兩個朋友，因為周圍捐，所以無去到南生圍，去左大生圍

大約係藍色條線

錦繡花園路口

第三次最搞笑，響上水見到超人，佢地玩緊cosplay，拍緊video，好鬼認真架﹗

馬鞍山尋杜鵑

23/2/2013    馬鞍山郊野公園--雁谷迷徑--黃金壁--
今日天氣好好，路人甲帶我去馬鞍山行上黃金壁，目的係揾野生杜鵑，其實由馬鞍山郊野公園行到差唔多到黃金壁呢段路以前行過架喇，不過今次行得再遠d。可惜山上既野生杜鵑仲未開花，只有好多好多既花蕾。

其實行呢條路線都有幾多位要爬吓架，好彩都唔係難爬到爬唔到，只係我有畏高，就真係好驚囉﹗

除左睇杜鵑，仲有好多呢d花架﹗

中國旅遊四月號

去完印度返黎，無無聊聊寫左篇稿，send左去中國旅遊，哈哈，今期登左喇﹗

原稿：

意想不到﹒印度

    從小到大，我都像一般香港人一樣，對印度的印象是天氣很熱，環境很髒，只有繁亂的城市，但原來我們都誤解它了。我十一月到印度拉賈斯坦邦旅行，早晚都很冷，要穿上風衣，十一月底時，甚至要整天穿著風衣，除此之外，最令我意想不到的是我可以在印度展開沙漠之旅，躺在金黃的沙丘上度宿一宵，還去了森林參加safari呢﹗

 

    印度的西北部有大片沙漠，無論是Jodhpur還是Jaisalmer都有很多半天至數天的沙漠旅行團，我在Jaisalmer參加了一個兩天的「親親大自然沙漠度一宵旅行團」。吃過午餐後，司機來接我們去到沙漠邊緣的小村莊，讓我們騎在駱駝上在沙漠上行走。這是我第一次騎駱駝，原來騎在駱駝上似乎比騎在馬背上還要高，幸好座墊比較寬闊，習慣了以後，反而覺得很安穏舒適。經過兩小時路程，我們到了沙漠裡度宿的位置，那時剛好是黃昏日落，大家都被那醉人的鹹蛋黃迷住了。我坐在那軟軟的沙上，喝著服務員送過來的熱茶，靜靜地看著整個天空慢慢被染成了金黃色，那心情真的愉快得不能言喻。在等待服務員為我們煮晚餐時，我們吃著他們為我們預備的小吃，跟幾位波蘭團友聊天，一聊之下，才知道他們吃過晚餐後就會返回酒店，換言之，晚上在這敞大的沙漠上就只有我和友人倆、服務員和幾隻駱駝了。吃過簡單但美味的晚餐後，我們便睡在鋪在沙上的厚墊，蓋著毛氈，看著無邊際的星空數星星，服務員偶爾又會放放煙火，我很快便在這大自然的懷抱裡睡去了。張眼醒來已是日出之時，我們看過日出，吃過早餐後，便準備回程，結束這趟沙漠之旅了。

 

    後來，我們到了位於Jaipur和New Delhi中間的Alwar，目的是去Sariska
National Park看動物。我們一大清早由Alwar坐了45分鐘車到達公園展開三小時尋看動物之旅。天還未亮，引擎的聲音已劃破天際，駛進公園的自然保護區去，沙雞、金背啄木鳥、孔雀、恒河猴、水鹿、梅花鹿、野豬……都給我們窺見了，雖然看不到老虎，但卻給我們找到牠們清晨的腳印，不經不覺，三小時便過去了。雖然我沒到過非洲參加真正的safari，但今次只花百多元港幣便可以在印度一嘗safari，而且能夠看到這麼多動物，我覺得真是一個令人意想不到的驚喜。