路人甲今年送俾我既生日禮物：單車。
自從佢鍾意踩單車之後，我屆企就變左一個車房同維修中心，由一架至兩架至三架，到目前最新資料顯示，宜家係有三架完整地放響房，再加一架不完整地放左響天台。
就係呢架黑媽媽喇，路人甲仲盡顯9wing1(九型人格)既本色，猛話個seat位d色未match部車，要改一改。
改，當然無問題啦，因為成架車都係佢砌出黎架嘛，睇住佢一part一part咁買返黎，逐d逐d砌架，所以都砌到三月尾至完成。
尋晚趁無落雨，出左去試車，感覺係：嘩，你轉行去幫人砌車啦，砌得好到呢，連轉波斬順滑無比，所有size都fit晒我，勁好，超讚﹗
個seat位好野黎架，再加上用路人甲上次買俾我既pamper單車褲，舒服晒﹗
呢堆野，佢搞左好耐，如要安裝，似乎係有d難度既。
有咁好既單車，又有咁好既維修技工，我一定要踩到可以去單車旅行既level至得，加油﹗
其實這些相片我一早已在潛水朋友的facebook內看過，真的不知說什麼好﹗
「新年假期有一班香港潛水員到菲律賓Philippines 潛水時於淺水海面發現有條年幼鯨鯊 (品性惇良，大嘴無牙，專吃浮游生物，絕不襲擊人)，其後將它救起，竟發現它的魚鰭全部被割走(等同將它的手手腳腳全部割斷)，其後它就慢慢流血離開了海洋。 魚鰭就是中國人認為最珍貴的魚翅，但其實魚翅本身沒有味道，全靠高湯的鮮味。現在全球每年捕殺一億條鯊魚，鯊魚繁殖緩慢。如果繼續大量捕殺下去，衹會使鯊魚絕種，破壞海洋生態鏈。而且鯊魚身處海洋生物鏈頂層，生平吃了很多其他魚類，體內積聚不少水銀和重金屬，故魚翅含水銀，不宜多吃。 消費剌激生產，只要減少市場對魚翅的需求，就能令漁民少殺鯊魚，為海洋保育。」
我一直認為一些低等(比較上來說吧﹗)動物是應該讓人類作為糧食的，但人類的手法總是殘酷的，就算是養雞，也是用籠把牠們困著，不准牠們往外跑；鵝呢，大家有錢吃鵝肝嗎？見過鵝被餵養的方法嗎？看過後你絕對不想再吃；魚生呢？香港人最喜歡吃的魚生，是漁民過度捕捉得來的，所有大型而可用作魚生食用的魚類，現時都只剩下體型細小的，還沒長成大魚便已經被吃用了。
那麼，我們該吃什麼？只是不再吃魚翅便成了嗎？
08年暑假，Megabox間IMAX開檔，我去左新彊旅行，路人甲就自己一條友去左睇Bat man，等我返黎後，佢勁讚好掂，超大銀幕；然後，隔左幾個月，Transformers上畫，路人甲好努力咁上網訂飛，但係無晒好位，結果去左普通戲院睇；上兩個月，Avatar上畫，都係買唔到IMAX既飛，結果去左機場睇4D，效果係ok既。
Avatar後，我強力要求路人甲買IMAX睇Alice in Wonderland，復活節去完緬甸返黎，佢話買到喇﹗
尋晚，我地去左睇7點半。睇完之後，對IMAX呢個新技術絕對係得一個字：正﹗再加上今次係立體電影，真係好好好立體，比機場既立體效果更好。
講番齣戲，個劇情同我細個時睇既故事根本完全唔同，但都不失為一齣幾有趣既電影，我覺得啱小朋友睇多d，但係我尋晚都睇得好開心。
想學畫國晝想左好耐，但係成日睇啱d班都報唔到，終於今次報到喇。
嶺南派既國畫係容易d學既，所以揀左佢囉。第一堂學畫瓜。
一堂個半鐘，睇完老師示範，開始畫喇﹗一開始時，連邊支筆打邊支筆都搞唔清，畫既時候又俾老師話我咁樣唔得咁樣又唔得，搞左半個鐘左右，開始上到手喇。
畫完之後俾老師過目，佢停左幾秒先講：個青瓜似電話、籐太多、個瓜上面d點點太尖、d葉畫得最好﹗我當時覺得佢額頭有d冒汗，我估佢心諗：呢條友頭先至俾我話緊樣樣都唔啱，點解家陣畫得咁好架，唔得，唔讚得，否則學幾堂就畫得好過我，點算？﹗(哈哈，人地唔讚我，我就係咁諗架喇，死未？﹗)
我眼見隔離位個同學仔真係畫得唔似樣架，但老師就講：好好吖﹗
呢排個blog好多廢回應，upload相，十張得番五六張，都無晒心機放相上黎喇，寫住野先啦﹗
今次我去左緬甸既classic four，即係仰光(Yangon)、蒲甘(Bagan)、曼德勒(Mandalay)、萊茵湖(Inle lake)。
旅遊注意事項：
1. 晚上的大金寺人山人海，最好跟旅伴約好集合時間和地點。
2. 進廟必須除鞋，如不想找不到自己的鞋，可準備膠袋，把鞋子袋好帶著進廟(最好穿拖鞋)。
3. 遊「萬塔之城」可租馬車，既舒適又有風味，一天費用約USD10-12一輛。
4. 各項指定費用：
- 簽證 USD20
- 蒲甘聯票 USD10
- 曼德勒聯票 USD10
- 大金寺入場費 USD5
- 明根入場費 USD3
- 萊茵湖入場費 USD3
- 仰光機場離境稅 USD10
5. 簽證地址：香港灣仔新鴻基中心24樓2436室 ，網址：http://myanmar.e-consulate.org
6. 於城市內，空氣質素較差，建議帶備口罩。
7. 美金不完全通用，貨幣兌換：USD1兌Kyat930-960
8. 於萊茵湖包一艘long boat遊湖一天費用：約USD12，每艘船最多可坐五位乘客。
9. 穿梭緬甸四大城市，乘內陸機較省時，四程費用共約HKD2100。
航班：
一般要到曼谷或新加坡轉機前往仰光；或可在廣州直航往仰光。
我坐airasia去曼谷轉機去仰光，回程一樣。今次呢四程機都貴呀，因為買得遲，最初睇係差唔多三千既，買既時候就加到三千三蚊，但我發覺airasia已經比以前貴左喇﹗
去到緬甸就坐左四程內陸機，要HKD2100，係響香港搵「裕發」買既，去到先買好似會煩d﹗
行程建議：
如從未到過緬甸而假期又不多的話，建議十天行程 (我去左十二日)：
Day 1：到達仰光，前往蒲甘(其實好近，可坐車都得，不過就辛苦d，但平好多喎)
Day 2 & 3：蒲甘—萬塔之城兩天遊
Day 4：曼德勒—市內遊(蒲甘坐車去曼德勒要六個鐘)
Day 5：曼德勒—三古城一天遊(古城：Inwa, Sagaing, Amarapura)
Day 6：曼德勒—明根(Mingun)一天遊
Day 7：萊茵湖—單車一天遊(去左水鄉Maing Thauk)
Day 8：萊茵湖—包船遊湖
Day 9：返回仰光，參觀大金寺
Day10：仰光返港
住宿：
仰光(Yangon)：
motherland inn2，成架小巴響機場接客，一車車去motherland inn2，因為係早機，登記好入住手續之後，竟然有早餐食，住一晚食兩次早餐。評分：OK，夠平。USD15一晚。
蒲甘(Bagan)：
new park hotel，就響條restaurant street既盡頭，環境唔錯，可惜我地入住果兩日有剃度儀式，日日夜夜係咁播音樂，有d噪。評分：幾好。USD12一晚。
曼德勒(Mandalay)：
ET hotel，有d舊，但有好大個airer，洗衫好方便。掛單個的士佬好惡，我地租左佢一日車，都無答應第二日會要佢架車，結果第二日唔用佢架車時，佢媽我地喎，響緬甸千祈唔好講ok兩字，佢地會認為你係答應佢地架喇。評分：麻麻地。USD15一晚。
Royal Guest Hotel，超正，房間好骨子，好乾淨，服務員英文勁好勁易聽，好老實，可以放心問資料同搵佢地book車。評分：勁推介。USD12一晚。
萊茵湖(Inle lake)：
View Point Hotel，住bungalow，咪以為好正，其實係住木屋，無冷氣(不過Inle lake天氣比較涼)，響正碼頭旁邊，零晨四點已經有摩打聲嘈醒你，不過無時間搵過第二間，就住左兩晚。評分：非常一般。USD15一晚。
**遲d先逐日寫番d野先。
