獨個踩單車郊野上

16/9/2011

今日天氣好好，陽光充沛，英國既陽光係好矜貴架，未黎之前我都笑d外國人一見到陽光好似見金咁，宜家我好明白喇，我見到陽光個日都特別想出街。

無plan到去邊，於是踩架單車去附近行吓啦，上google map睇，見到附近有個湖，係家姐之前講過話可以一行既地方，於是就踩去行吓啦﹗

十幾分鐘就到左喇，雖然係普通一個公園，但係好寧靜，好舒服既一個地方。有人散步，有好多人攞齊工具坐響湖邊釣魚，有人做運動，得我一個踩單車。

講開響公園踩單車，我覺香港政府都唔係路架，響公園唔俾踩單車喎，連郊野公園都唔俾，單車徑又少，踩馬路抄牌，踩行人路又抄牌，哈哈，唔怪之得咁多人去健身室踩單車啦﹗

去個個公園都見到佢地架，一有人餵野食呢，佢地就無晒儀態咁撲埋去，好搞笑﹗

公園旁邊有條小河

呢度仲有個水上活動中心

見唔係好遠，於是踩埋過去隔離個town。秋天到左喇，好多樹都黃左喇﹗

呢個town仔，前兩日先至黎過，靚town黎架

踩番半粒鐘就返到屋企喇，雖然只係踩左兩個鐘，但係都係有d攰，應該係做少左運動先至會咁樣呀﹗