第一次自己整雪糕,仲要唔係用咩咩雪糕機,感覺超良好。
呢次既實驗係超額地成功既,非常咁好味﹗不過d材料就貴左d,淨係個cream都成四十幾蚊,買現成雪糕可能平d。
呢個食譜係響第二個blog友度偷返黎架(copy左之後都唔記得係邊位個blog喇),唔好話俾人地知呀﹗
朱古力雪糕
1. 材料: 重忌廉(Double Cream)500ml, 全脂奶235ml, 蛋黃3個, 糖霜120g, 幼鹽1/4茶匙, 可可粉3茶匙, 朱古力粒55g (搗碎)。
2.將全脂奶、可可粉和幼鹽用小火加熱(不要煮至滾!); 加入朱古力碎邊煮邊拌勻至朱古力完全溶化。
3. 蛋黃和糖霜用電動Mixer 打成吉士醬(custard)。
4. 將吉士醬慢慢加入(2)之朱古力奶內,邊加邊搞拌,並用小火慢慢加熱。(不要煮滾!)
5. 煮至吉士醬完全和朱古力奶拌勻,混合物微熱 + 變稠 ,將混合物盛入玻璃大碗內,再將玻璃碗坐入冰水中,待混合物冷卻。
6. 重忌廉用電動Mixer 打至挺身後,加入已涼的(5)中,再用Mixer 打勻。
7. 將拌勻好的(6)倒入容器中,放入冰格先冷凍45分鐘至1小時,取出用湯匙搞拌打勻,再放回冰格冷凍。
8. 重復(7)2至3次後,再冷藏3至4小時待雪糕完全凝固即可。
NOTE
- 食用前可先取出雪糕,放入普通格冷凍30分鐘後才食用,這時的雪糕會軟硬適中;
- 步驟(7)作用為打碎材料中的水份,在雪糕冷凍成型過程中結成的冰粒! 重復步驟(7)的次數越多,雪糕越香滑;
- 如果想雪糕中有朱古力碎(chocolate chips)既效果,可將部份朱古力碎,在步驟(6)中加入拌勻;
- 依個食譜係根據一個英文食譜而改良,材料係重忌廉(Double Cream),好鬼肥架!!! 如果怕肥既話,可以改用奶脂較低既淡忌廉(Whipping Cream)!
以上材料份量造出來既雪糕,剛好可以裝滿一盒900ml 既大細。
食譜來源:
嘩!你抄人地個blog抄得咁十足,講聲俾人聽好啲噃,或者係你個blog度講明出處,否則變成盜用就唔好啦,你為人師表吖嘛!
回覆刪除[版主回覆04/22/2010 22:04:00]我唔係唔知,而係我已經唔記得左響邊度copy呀,你知係邊個既話,話聲我聽啦﹗
突然記起~~雪櫃杯香蕉雪糕
回覆刪除[版主回覆04/22/2010 22:05:00]仲食唔食得呢﹗
你記唔記得個blog係咪我介紹俾你睇架?如果係既話,咁應該係呢個嘞 http://hk.myblog.yahoo.com/veronicams_tsim
回覆刪除[版主回覆04/24/2010 08:09:00]唔該晒﹗