生月飯聚．開心吹水

今晚約左兩個舊同事食飯，佢地都係我第一年教書時認識既，做左一兩年同事就各散東西，雖然係咁，但係緣份係唔講道理既，我地咁多年都會每年食兩三次飯，每次都好開心，講吓食吓又十八年喇，時間真係過得快呀﹗

今晚我提議去大尾督既「感覺煮意」食西餐，呢間既食物雖然唔係最好，但係都算有水準，而且宜家天氣涼涼地，坐露天位，感覺超級良好。

大家食吓傾吓，過左一個好開懷既晚上，都話唔一定去高級餐廳架啦﹗

＊媽媽貞今晚同埋佢個外子出現，真係驚喜，媽媽貞重話佢外子好少參加媽媽貞d朋友仔聚會，真係俾面，感謝晒﹗