Julie and Julia

睇後醒覺：

1. 原來美國有個阿婆叫Julia Child係咁出名既﹗失覺晒﹗

2. 宜家d blogmate其實等如以前既pen pal，只不過可能以前我地只係有一兩個pen pal，宜家大家可能有幾廿個blogmate囉。

3. 對某件事有熱情既話，有多時候都會無心插柳柳成蔭，就好似呢兩位女士咁，無諗住會有另一番天地，但就因為「熱情」於食物，所以出左名喎。

成個戲不斷時空交錯，互相襯托出大家既性格，情節有條不紊，雖然沒什麼高潮，但卻會讓你看得舒舒服服，牽引你細嚼劇情﹗

我都應該煮多兩野呀﹗

準備．出發

經過上次去沙巴同柬埔寨既經驗，再次確定pre-trip係好重要既，上次就係無時間準備，所以總覺得有d野miss左，尤其是去呢d咁有歷史既地方，資料真係需要睇架，否則，去完都係覺得唔知睇左咩，結果都係想去多次。

今次去緬甸，又係同個女仔，不過係另一個旅伴，佢好忙，無咩時間搵資料，咁我又好鍾意pre-trip同plan野，所以我做左既準備功夫比上次多，起碼上網睇左好多野，又去借左書，對緬甸認識多左，未去已經好鍾意呢度喇，希望唔會失望啦﹗

聽日，出發﹗

阿凡達、十月圍城

等左好耐，終於響生日前睇左阿凡達，到今日先有心機打吓blog。

我係響機場睇4D既，比3D只係多左少少水花、番皂泡泡、少少風咁囉，而立體呢，就真係好立體呀﹗

至於個戲，劇情真係非常咁一般，老實講，幾無新意，而果個哈利路亞山呢，唔該d國內同胞咪鬼爭啦，叨人地光都係為錢，個山如果係咁難認出係咩山，即係唔夠特色囉，聽講阿導演只係睇左張山既相，覺得幾啱用就拆開左黎用喇，響中國有咁多名山大川，除非係一d特定既地貌，否則，咁樣樣既山，真係多的是啦﹗

而個主角既avatar就真係毫無美感可言喇﹗所以，奧斯卡咁既結果我個人覺得好合理。有外國新聞話d人鍾意個外星既環境鍾意到想搬過去，好客易啫，全部都係螢光野黎之嘛，遲d應該會有主題公園招呼呢d fans架喇﹗

 

附加一句，個劇情有部分好似抄左「天空之城」喎，有無同感呀？

－－－－－－－－－－－－－－－－－－－－－－－－－－－－－－－－－－

最近又睇左「十月圍城」，只係覺得無論響咩野事上面，d人只會著眼個主角，對於背後既一班默默支持、靜靜努力既人就一d都唔重視，革命事業都係一樣，我地只知孫中山。

個戲ok好睇﹗

幾廿歲人仲論友情

從blog友的blog copy過來的：(加上我既個人睇法)

〔太陽報專訊〕對於友情，我們應該認真，可也不必太認真。謹慎選友、真誠相處，是為認真。太認真的話，卻會一廂情願以為，友情如酒，日子愈久，味道愈醇。 (認同)

正如拍拖後感情愈踩愈深，祈求友誼永固是很自然的心理反應。可是，這會帶來一種副作用—對朋友的要求愈來愈高。他最好是一個完美的人，品格高尚、義薄雲天、樂於助人、上進心強、從不鬧情緒、沒有不良嗜好 ……稍為發現一點點不完美，我們立即挑剔，要求對方改進。對方做不到，我們便失望而傷神。(如果個朋友有野唔好既，無傷大雅就無所謂，不能接受既話，我會遠離囉)

一切只怪我們把朋友想得比現實美好。我們忘記了，人有優點便有缺點。從前沒有發現朋友的缺點，是因為相處日子尚短、交情尚淺，未及見到最真實一面而已。(從來唔會諗有人係完美既，不過，因交情淺而誤以為係朋友既情況都試過，而實際上係做唔到朋友既；但係因相處過之後，由唔like佢後來變成朋友既亦有)

逃避現實不是辦法。當友情走到某個階段，要知道的事情，遲早會知，問題是我們如何面對而已。朋友不是我們的寵物，不可能聽教聽話。朋友不是家人，沒有永不磨滅的感情基礎。夫妻尚且不可能為對方改變自己，何況朋友？對於朋友，最好不要管束、調教、改造。能夠體諒的缺點，最好視而不見，勿要出口批評。如果某些缺點確是讓人受不了，那也只好接受，這是朋友的另一面。為了避免互相抨擊，惟有減少碰見。(對於真正既朋友，我唔會唔當面批評，但係可能會婉轉少少咁囉，因為我認為，我當面批評你係提醒你，如果我響背後批評你，係學你是非，所以，如果你氣量少既話，請勿令呢條蛇當你係真正既朋友。)

朋友會變，自己也會變；人心善變，感覺也善變。因此，友情難永固，即使維持得到也難以長期處於高潮。降低對朋友的要求，降低對友情的期望，有助保持平常心，處變亦不驚。(好同意亦好明白，但會做唔到，因為我似乎有亞氐保加症)

(有人認為我係一個好難相處既朋友，吓吓起晒角咁。無錯，對d我唔like既人，我唔會遷就你，為咩要討好你呀？但如果你係我既朋友，你會發現我其實易話為到爆。所以，如果你覺得我好麻Q煩，有兩個可能性：一、我無當你係朋友；二、你都好麻Q煩)

國際漫遊協會 ＂遺。美相展＂

本來對呢個相展既期望就唔大，尋日睇完之後，仲要係失望添﹗我呢條蛇唔識影相，但就好識批評，我同路人甲一路睇我一路批，路人甲話小心影張相果個人聽到呀，哈，聽到咪益佢囉，唔好話學到野，而係聽吓人地有咩睇法，去上堂學影相都係想俾老師評吓d相架咋(雖然我都無學過)，收佢錢添呀﹗

第一，d相晒得唔好，好多相都暗左。

第二，好多張都無趣味，好普通。

唔識野扮晒野既蛇仔批評如下(唔想逐張影，只影左本小冊子咋)：

左頁上：隻船遮左個太陽倒影，影既位置唔好。左頁左：我估作者想影埋樹葉做相框，但咁就就唔到個建築物，宜家睇唔晒個建築物，唔完整，應該張相應該橫倒，直倒亦令水太多。左頁右：呢張我幾鍾意架，張相玩線條，亦有個女仔做主體，幾好。右頁上：雖然有條白線做引領線，但係座山太細，裡面既教堂亦唔清楚，成張相都好普通。右頁左：雖然呢張有隻船做吓主體，但岸邊d屋同個岸亦交待得唔清楚，我個人覺得橫倒影多少少岸上既景物會完整d，不過，個景非常一般囉﹗右頁右：景，普通；主體，無特色，背景令佢唔突出，收埋佢算啦。

左頁上：兩個主要建築物色彩都咁勁，但重疊左，唔掂。左頁左：普通到爆。左頁下：影倒影咩，又唔係，前景影果兩個人咩，又太暗，影建築物咩，無特色。右頁上：又係天地平分，地面顏色唔夠豐富但佔左半張相，咁都入圍？右頁左：呢張好有poster feel，ok架﹗右頁右：無比例，感受唔到條瀑布有幾壯觀，而且景色一般。

左頁上：postcard相一張。左頁中：如果係影個影既話，作者個位置應該向左移，宜家都唔知佢影咩。左頁下`：呢張幾好架，但差個主體，放番個人上去就好晒喇﹗右頁上，又係天地平分，仲無咩景添。右頁左同右頁右：呢d都會係我唔俾人睇既失敗snap shot囉，個塔右下角個黑影做咩架？﹗

左頁上：普通。左頁中、下同右頁上：都係無特色既postcard相，左頁下有兩個人做比例，但就唔突出，要搵先見到。右頁中：有比例，有動感，主體清晰，唔錯。(作者成日講攝影講座架，一定有番d水準既)右頁下：山景太多，唔能夠俾讀者感受到「冰」既震撼感，而且隻船同冰撞左色。

左頁上：究竟d經幡定雪山係主角呀？兩頭唔到岸。左頁中：有咩特別呀？左頁下：主要係d光線做得好，但整張相就空洞左d喇。右頁上：做咩呀？影人，人唔清楚，影建築物，太細太遠，構圖，無美感，失敗。右頁左：好普通既街景，但用黑白影神秘女人，即刻提高番個觀賞度。右頁右：能夠有層次咁影出山景重重，構圖同用色都幾好，不過，如果黑影減少，用橫倒影埋左邊既山勢就更加好喇。

左頁上：呢張係我既，係我覺得好普通既一張相，只係好如實咁「現場佈導」，亦想突出藍天藍水，無特別。左頁中：普通。左頁下：城牆後既景物佈局凌亂，城牆上既圖案亦無特色，可以收埋。右頁上：天空佔去太多，神山山峰太細，裁過佢啦。右頁左：本來個idea幾有趣，但係個人連個頭都唔見左，個佛佔太小位置，未算好理想。右頁右：咩都無，算啦﹗

左頁上：有速度，有氣氛，好。左頁中：優勢係航拍，三個氣球令相片變得有趣味，唔錯。左頁下：呢張係路人甲影既，有放射性線條，有主體點綴，幾好。右頁上：能夠拍出張家界既特色，構圖亦好好。右頁左：本來由個窿度影出去係令相片變得有趣既方法之一，但窿外面既景物無特色，就點影都無特色啦。右頁右：亂，無主題。想表達咩呀？

左頁上：左右黑位太多，作者既然都裁相咯，裁埋佢啦，不過，景色唔係特別靚，成個歐洲都係咁架啦，睇完唔知係邊度係呢張相失敗之處。左頁中：成個建築物有一半背左光，雖然前景有少少花花襯番，但都係普通料。左頁下：你睇到咩呀？右頁上：主體放到正中，仲俾側邊個建築物投下陰影位，你話得唔得吖？﹗右頁中：小B都影到啦。右頁下：佢個名叫「掌握之下」，主題唔夠明顯，唔睇個名直頭想叫大會收番起佢。

上：我個人覺得唔錯。中及下：side氣。

上：幾好呀，有構圖有氣氛。中：又係平分天地，仲係直倒，同之前講既批評一樣啦。下：構圖亂，紅果樹同地上既樹仔交疊左，唔知主題係咩，想表達d咩。

以上相片都係影呢本書仔架咋。現場有得派。

估唔到ITA既宣傳做得唔錯，好多媒體都有佈導，所以有好多人去睇。

RAP lu喂

送給同樹A：

打你個白頭佬，打到你日日要走佬；打你個白頭佬，打到你頭頂生草(不過其實已經係喇)；打你個白頭佬，打到你勁俾同樹數(呀~~~呢個都已經係咯呵)；打你個白頭佬，打到你秒秒俾人.....母(唔得，講左粗口添)......

送給同樹B：

呢d cheap友，見到想走；
要佢出錢，難過登天；
平時朋友，講錢走頭；
掩住荷包，話無現鈔；
疏財仗義，無呢d字；
成日話窮，轉頭就鬆。

送給同樹C：

打你個殘渣亮，打到你走晒樣(呀~~佢個樣已經唔係好得架lu喎)；打你個殘渣亮，打到你做埋車頭相；打你個殘渣亮，打到你勁俾同樹掌(雖然大家都想，不過做唔出)；打你個殘渣亮，打到你成世無人養(佢咁樣做野，真係要等人養)......

*得饒人處不饒人既蛇仔得罪晒

生月請食蛋糕，開心又jetso

生月到，今年做得特別辛苦，想搵d野等自己開心吓，結果：

趁生月，買左個天使蛋糕請同房既同事食，有同事問做咩要請人食蛋糕呀，應該人地請嘛，我又覺得，人地請我固然係好啦，代表我仲有d人緣，但如果我響生日時仲有能力有心情有愛心有情趣咁請一班日見夜見既同樹食吓野，呢d係我既福氣黎既﹗

請人食野，結果得到好多「多謝」同「生日快樂」，市儈d講，我用平均每人十幾蚊就可以買到人地既祝福，都幾平吖﹗況且，施比受更為有福，同樹有蛋糕食時我又開心，不過，唔好叫我請食buffet咁大貪呀大佬﹗

見到同事開心既樣，呢個蛋糕真係一個字－－「值」呀﹗

最緊要係：我都有得食嘛﹗

新版木蘭辭

最近開始要中一既學生背木蘭辭：

織織僕（復）織織……不聞雞（機）柱聲……旦辭爺娘去，露宿（暮宿）黃河邊……膀胱（寒光）照鐵衣……將軍百戰死，壯士十年雞（雞）……

大佬，我唔做壯士喇﹗

不過我諗佢地心裡面個句一定係：

磨刀霍霍向搣匙……囉﹗

生日．切蛋糕

年紀大，就無咩野再好慶祝，只係普普通通咁過左個生日就算喇﹗不過，之前路人甲話約朋友黎屋企坐，d朋友提議話3月6號，佢就話唔好唔好，我以為佢有咩野搞作啦，點知最後佢話我聽：「我果日要返工呀﹗」哈﹗頂癮﹗

咁我就一條友去電左個負離子、焗油、剪髮，坐足四個鐘，睇左呢年會睇既八卦雜誌份量。

跟住去攞左個路人甲預定左既蛋糕返阿David哥屋企切。

美心d蛋糕愈來愈得。

阿細佬個仔獻上口水吻一個。

你睇佢個樣幾鬼馬，真係好得意架﹗

David哥同佢粒孫同我影番張相先﹗

呢晚，阿姐夫見d工人捧d餸出黎：「嘩﹗唔係呀嘛，咁多餸，做節都無咁多喎，有無搞錯呀﹗」

我當然會答佢啦：「咩呀，唔抵得呀？﹗」

多謝所有捧場既屋企人，所有記得我生日既朋友（可能無祝我生日快樂），所有祝左我生日快樂既朋友，我會響呢個生月玩多幾野架喇﹗

生月飯聚．開心吹水

今晚約左兩個舊同事食飯，佢地都係我第一年教書時認識既，做左一兩年同事就各散東西，雖然係咁，但係緣份係唔講道理既，我地咁多年都會每年食兩三次飯，每次都好開心，講吓食吓又十八年喇，時間真係過得快呀﹗

今晚我提議去大尾督既「感覺煮意」食西餐，呢間既食物雖然唔係最好，但係都算有水準，而且宜家天氣涼涼地，坐露天位，感覺超級良好。

大家食吓傾吓，過左一個好開懷既晚上，都話唔一定去高級餐廳架啦﹗

＊媽媽貞今晚同埋佢個外子出現，真係驚喜，媽媽貞重話佢外子好少參加媽媽貞d朋友仔聚會，真係俾面，感謝晒﹗

生月喜事一個接一個．今期U magazine又登左

登左喇﹗登左喇﹗

去柬埔寨時答應左個tuk tuk車司機要幫佢登篇介紹柬埔寨既稿嫌幫吓佢，登埋佢個聯絡方法，等佢多d生意。

新年假時寫好個稿，上兩個星期投左，今期登左喇﹗

如果幫到佢就係一份令我好開心既生日禮物喇﹗

就係呢期喇：

阿Mao個聯絡方法呀﹗

上次幫桂林遇龍河個朱師傅登左響U magazine，農曆新年時竟然收到佢既sms，話要請我去佢屋企食飯，唔知係咪真係多左生意呢？﹗係就好喇﹗

原文：

「吳哥城曾經是柬埔寨吳哥王朝的首都，其中吳哥窟是現今聞名於世的世界文化遺產，世人稱它為世界七大奇景之一，是由「太陽王」興建的國廟，極具價值，遊人趨之若鶩。吳哥遺址的中心景區很大，主要分為小吳哥（即吳哥窟）和大吳哥城兩區，吳哥窟的建築比大吳哥城集中且高大，因而不僅脫穎而出名列世界奇景，而且「吳哥窟」一名甚至成為整個吳哥遺址的代名詞。而十二月，柬埔寨天氣怡人，是最適合遊覽吳哥城的月份。

吳哥遺址位於暹粒，主要的景區只距離市中心不過七公里，故此，很多遊客都選擇踏自行車暢遊吳哥遺址，而不想作體力勞動的遊客，可選擇乘坐tuk
tuk車或汽車。其中，汽車有空調又快捷，亦可避免風沙撲面，是最舒適的遊覽方法。不過，我卻選擇乘坐tuk
tuk車，因為它比較乘坐汽車便宜，亦可體驗一下那種在香港沒法體會得到的「風味」，而且吳哥遺址佔地廣闊，踏單車可能令我感到吃力。

除了大小吳哥城外，周圍還有一些很值得參觀的小寺廟，所以，除非是走馬看花，否則必須要花上最少兩天時間才能細意欣賞吳哥之美。除了中心景區外，距離市中心三十多公里的市郊有一座著名的女皇宮，那裡的石雕細緻精巧，人物栩栩如生，姿態動人，亦很值得遊覽。在女皇宮附近的一座小山上有一條小河，河中遍佈不同形式的石刻，也是一個有趣的景點。

到吳哥遺址遊覽，除了寺廟、石雕、石刻和奇偉的建築外，不得不提的是那裡的日出和日落。在皇家浴池，透過水的倒映，那日出是奇幻浪漫的；在小吳哥，那日出彷彿讓人置身那光輝盛極的吳哥時代；在適合看日出及日落的巴肯山，那又大又圓的蛋黃在一望無際的平原上昇降，景色雄偉壯闊。無論是在皇家浴池、小吳哥或是巴肯山，遊客都可以看到那天空被染得瑰麗多變的色彩景象，那難忘的景色都是頂級的視覺享受﹗」

第二段俾編輯改左d野，又係無無謂謂既改動，最搞笑係佢將我既正字改成錯字。

倒映：作動詞 ／ 倒影：作名詞 （如果用呢個，句子就應該係：透過樹和天空的倒影。）

又響reader's tips度將「佈滿」改成「布滿」。

呀﹗編輯呀編輯，你係特登改左佢定係唔小心呀﹗

挑~~~印仔

想雕印仔已經係好耐之前既事lu，買左舊擦膠番黎都未郁過，結果新年假時用左一陣就雕左自己個mug頭出黎，都幾得意﹗

問阿David哥攞左個紅酒酒塞做印仔個身。

用AA膠痴住個印仔同個酒塞，哈哈，搞掂﹗

 

生月喜事多‧相展睇得過

前一排收到旅遊網站既資料話會搞一年一度既旅遊相展，我拖吓一日，拖吓又一日，結果deadline前是但揀左五張去俾佢地揀(點解咁遲？我有選擇困難症，所以結果係求其揀，因為揀唔到)。

今日收到email話有一張入左圍，就係呢張，都唔係我最鍾意果張，唉﹗

以下係展覽資料：
日期：3月13日至14日兩天

地點：香港文化中心大堂(尖沙咀香港文化中心地下大堂 e 區)

名稱：2010 Eyes on the world放眼看世界旅遊攝影展。

今年攝影展主題為世界文化及自然遺產，主要分享世界各地文化及自然遺產的美景，希望藉此分享旅遊的心得。
 
展覽時間：
3月13日(星期六) 10:00-23:00
3月14日(星期日) 09:00-22:00

有時間去睇吓啦，應該好多靚相架，d網友既攝功唔錯架﹗

*路人甲都有一張入左圍架

剛入去ITA個網，發現原來會展出多一次：
日期: 4月1日~4月8日
地點: Emax 商場大堂 (九龍灣展貿中心旁邊, 地鐵九龍灣站轉免費接駁巴士)

原來有成三百張相投稿架，最終選出六十幅。

 

 

 

 

 

生月到，踩單車好

生月又到喇﹗3月1日，假期，路人甲帶左我去探險。

佢一早同我食完早餐就坐車入東涌逸東村租單車踩去廸欣湖再折返。點解唔用自己車？我個架俾佢拆散左，未砌番，而且今日會玩到夜晚，泊咁耐車會好貴。

我地未踩過呢段路，唔係好識路，去個程又影吓相，又搵吓路，踩左三個鐘至到廸欣湖，返個程個半鐘就得喇﹗來回42km。

成段路都有幾次要抬單車架，你睇我幾辛苦﹗

未出海邊之前，有少少呢d單車徑踩吓架﹗

由呢堆雜草同油站中間既超窄神秘入口進入，就入到黎喇﹗

出到海邊喇，超靜，全程只見到一對男女踩，完全係「我地玩晒」。

途中又要搬車落橋底。呢度好低，中間個段要烏低身至行得。

過左地鐵廠，踩左一段馬路，黎到呢條「時光隧道」，裡面無燈，入到去咩都睇唔到，好有探險feel。

搵左一陣路，就黎到「鹿頸村」。百厭既路人甲話佢細個時黎玩到好夜，就響前面藍色間屋過夜，以前呢度成個海都係浮木，佢話響木上面跳黎跳去好好玩架。不過，對於我呢條無晒平衡力既蛇黎講，企響呢條浮木度已經有d難度喇，咪講話跳啦﹗

又搵左一陣路，踩左上好似公路咁既馬路上面，大貨車響側邊經過，我都唔理得咁多喇，條長命斜踩到我差d要落車推呀，不過我見響馬路度推單車會超級樣衰，所以頂晒佢。過左似公路既馬路後，就會入到廸士尼區，馬路鋪晒紅色，d樹好靚（仲好貴添呀）。無幾耐就到左廸欣湖喇﹗

就係呢d馬路喇，你咪睇佢暗斜暗斜，好長命架。

踩完還車，嘆個tea，再坐車入機場客運大樓T2，睇4D電影，Avatar，終於都買到飛喇，比3D多左d風、水、肥皂泡、煙，我唔鍾意佢張椅唔識郁，咁樣唔係幾4D。

入場前仲有展覽睇，呢個係30年代既經濟艙。

近代商務艙。

睇3D既大眼鏡加由頭食到尾既爆谷。

玩足一日，返到屋企已經要瞓喇﹗