大埔廢紙場煙蒂起火

「【明報專訊】大埔南華莆一個廢紙場，昨凌晨2時許突然冒煙起火，附近居民見狀立即報警。大批消防員趕至開喉灌救，翻開廢紙不斷射水（圖），在火勢蔓延前控制場面，迅速將火撲滅。由於前晚為中秋佳節，附近有村民放孔明燈。。。。。。」

唉﹗我真係唔係好明d人點解做野唔諗吓人地架。中秋節當日同前一兩日，我響屋企附近都見到好多孔明燈，一見到佢地，第一個感覺係：嘩﹗好多好靚呀﹗第二個諗法立即就係：跌落黎個時d火未熄的話，咪會燒著d野，有山火囉？﹗

有份報紙仲話有個阿婆因為舊年見到鄰居差d俾孔明燈燒著間屋，今年幾晚都響屋外面守住，守通宵，驚無啦啦俾人燒左間屋。唉﹗放孔明燈既人一係就為自己祈福，一係就貪玩，但係將自己既幸福變成人地既災難，將自己既歡樂建築響人地既痛苦之上，好咩？

出年我可能要加入阿婆既行列，上天台睇住間屋有無俾人「放火」喇﹗