西瓜誤叫西瓜汁

話說有同事唔做，我地一行二十人去香格里拉食自助餐歡送佢地啦，咁食自助餐就梗有飲品送架啦，當人人都叫咖啡奶茶檸茶之際，西瓜sir叫左杯西瓜汁（到宜家我都唔係好明點解佢咁鍾意食自己）………

過左無幾耐，西瓜汁到喇，雀斑媽媽就大叫：「嘩﹗呢d係要加五十蚊架喎﹗任飲架﹗我都想飲呀﹗」華仔聽到就補充：「係五十二蚊。」

西瓜sir到此時刻先至發現自己叫錯野……但係仲未發現到另一樣野（你發現到嗎？）

又過左無幾耐，西瓜見係任飲，於是再叫多杯，都係西瓜汁（佢就話係叫俾雀斑媽媽，最後都係自己飲左）。

再過左無幾耐，當佢飲緊第二杯西瓜汁時，佢再睇下上面果個牌…………

係唔包西瓜汁架………

西瓜：「嘩﹗＄52一杯，咪成＄104？」

我地就個個

埋單時，同事攞張單黎check：「嘩﹗西瓜，邊個話你聽五十二蚊一杯呀？六十五蚊至啱呀﹗」西瓜當堂

「＄65x2＝＄130再加一，＄143，俾番個八五折你，都要＄120」

超低能，笑死朕﹗