我教咩學校？

同人講親自己教書，人地實碌大對眼望住我（咩呀，我唔似咩），然後：「哦﹗Miss﹗」跟住一句：「教咩呀？教邊Ｄ學校呀？中學？」

唉﹗我都唔知自己教咩，尤其是我教既對象，有時真係唔係好識定位呀，你話我教緊Ｄ咩學生啦（以下節錄一小段我上堂既說話）：

「嗱﹗宜家攞個銀色碗出黎。

唔係白色呀第２組，係銀色。

第５組，唔係碟呀，係碗，碗，碗呀﹗

（其他組就睇吓人地攞咩，自己先攞）

好喇﹗宜家攞個鑊去洗。

第４組，係攞鑊，唔係煲，係鑊﹗

每組派個同學去我枱面攞把菜刀。

係菜刀，唔好攞西式長刀，菜刀呀，闊個把﹗

每組去供給枱攞一湯匙蝦米。

（為免佢地為左隻湯匙又搞一輪，我已經放左隻湯匙響Ｄ蝦米度）

同學，你攞隻碗去攞先得架，Ｄ蝦米碎濕濕。

同學，一湯匙咋，唔洗攞個湯碗架，細碗仔就得架喇﹗

好喇，Ｄ上湯已經預備左喇，出黎量600ml啦﹗

同學，量上湯要用量杯，攞埋個量杯至得架﹗

同學，量600ml要量兩次喎，量完第一次，Ｄ上湯點呀？

同學，唔洗攞兩隻量杯架，你拎個煲出黎係咪好Ｄ呀？等陣Ｄ上湯你仲要煲架喎﹗

同學，你淨係拎個煲，咁量杯呢？」

其實，我懷疑自己淨係教緊麥「口麥」﹗

唔該，我要個快餐呀﹗