第五堂作品

因為第四堂的製作方法太沒自我，所以決定不製成銀器，只把方法學學罷了。

第五堂開始時沒有摸清它的方法，覺得很難做，弄清楚後，原來可以容易一點。

這是個長鏈吊咀，還沒有買到銀鏈，暫用皮繩。

Name: Stop for a while

第一件製成品

上左六堂銀器製作，由設計、製模、打磨、修件都係一手一腳自己做既，好有成功感，如果連燒銀既程序都可以自己做就好喇﹗

呢件係第一堂既作品，心型吊咀。

Name: A shaped love

你剪左未？

今日上縫紉堂，見個學生份功課好似有d唔對路，走埋去睇下，問左句：「做完有無響背面打個結呀？」

學生：「打左喇﹗」

我：「剪左線未呀？」

學生：「剪左喇﹗」

我檢查一下：「又話打左結？」

學生：「係呀，我打左結，又剪左線喇﹗」

我：「咁點解條線會lut架，又無個結，吓？」

學生：「我打完結之後，剪線時剪左個結囉﹗」

２５／１０北潭涌至白沙澳一天遊

２５／１０天氣不太好，但一早約好跟班band one學生去行山，於是響北潭涌停車場等齊人就出發喇﹗

途經一d好有外國風味既村屋

好復古既郵箱呀﹗

大大隻蜘蛛，周圍都有。

好一句：「富貴由天，平安是福」，好基本既願望，好出世既心態。

呢度都有唔少蝴蝶，但真係好難捕捉最美一刻。

估下呢d係咩？

係鋼琴呀﹗

「童年的你，必定天真可愛」，佢係唔係你既童年回憶呢？

hong kong farmers?

佢地係響呢度戒毒既﹗

繼續行程，麥理浩徑嶂上段

對於巴基斯坦既路，呢段係超易行喇﹗

打雷石，非常之咁有型，真係有一大舊石響山上面好似俾雷打到look緊落山咁﹗

呢個係咩？標距柱，你睇到啦﹗M又係咩呢？M for Maclehose, our ex-president of Hong Kong.表示呢段係麥理浩徑，你行到第58個point。

下面係榕樹澳。我後來行到去直昇機停機坪，睇既海景係360度既，除左海，仲有遠遠近近連綿群山，真係好風光呀......如果好天既話。可惜呢日天氣唔好﹗

行行下，見到呢條雞公蛇曬太陽添﹗

唔好睇我咁開心企響崖邊，我當時得一個感覺......fear。

識噴水既係咩呢？

今日上縫紉堂，教學生用燙斗（無辦法啦，就黎點樣食飯都要教呀﹗），有個學生用用下個燙斗大大聲咁話：「我見屋企果個係會噴水架﹗」

另一個學生搭咀：「你講咩野會噴水呀？」

大聲學生又好大聲咁話：「水槍咪會噴水囉，死蠢﹗」

於是我忍住笑話：「你地再唔收聲，有d野會噴火添呀﹗」

死蠢學生續問：「燙斗會噴火？」

大聲學生：「老師會噴火呀，你仲唔收聲？﹗」

你係咪坐響度？

細粒學生A上堂唔專心，我就問佢問題啦，佢一定唔識答，咁就一定如我所願——罰企啦﹗又唔洗我叫佢罰企，然後俾佢問點解啦﹗

過左一陣，佢又開始唔專心，咁我就問佢：「究竟你宜家係企緊定坐緊呀？我真係搞唔清喎﹗」

佢：「吓？」

隔離個同學：「哈哈哈，你企響度同我坐響度一樣高﹗俾人串仲幪盛盛，串你矮呀，仲唔企好d﹗」

學生A好無癮咁企好，唔再傾計，我就唔該晒個位幫我解話既同學仔啦。

人生交叉點

響個網友救世豬度睇到呢個故事，發生既地點係以前讀書既地方，而個故事又好鬼人生交叉點，令我思考左好耐：

一個老年人，在幽暗燈光之下，走過高街瘋人院，令他不禁想起很多唏噓往事..........

年青時，他有美好家庭，事業如日方中，卻愛上自己青春少艾的女學生，他徘徊在路上，向左走，他可做回好丈夫、好爸爸、同事眼中的有為青年，學生眼中的好老師........

向右走，他雖可擁抱一生中最愛，但卻成為眾矢之的，淪為一個受萬人唾棄與學生搞不倫戀的壞老師........

曾經從養和醫院副院長鄺國熙醫生口中，聽過一則真人真事的淒美傳奇，至今難忘。

那是五十年代，鄺醫生在港大讀醫，在高街精神病院實習（現已重建為社區中心）。在芸芸老弱頹靡的病人之中，獨有一位年輕秀麗的女子，不時會唱出傷感之歌，又會憑窗遠望，向對面的羅富國教育學院哀怨地叫：「你回來吧！」

他好生奇怪，翻查資料，發現她原來是羅富國師範學院的音樂學生，彈琴、唱歌，無一不精，深得老師賞識，並熱戀起來，老師家有妻兒，又極有機會晉升為院長，總不能為愛情捨棄事業和家庭。最後揮慧劍斬情絲，女學生不堪刺激，患上了精神分裂症。半世紀前，此症近乎無藥可救。鄺醫生記得，女學生的母親還不時老遠從九龍乘車搭船來餵湯餵飯給女兒，看了叫人心酸。

鄺醫生又發現，班中有一位男同學對這位女病人特別眷顧，還選修了精神科。追問下，同學吐露了不為人知的秘密：「可知道和這女病人相戀的是誰？」他略一遲疑說：「他是我爸爸！」他如此苦心，是否為父親贖罪？不知道。鄺醫生後來和這位同學也失去聯絡，美麗的女病人不知在哪裏終老。高街精神病院後來荒廢了，在月光映照下，紅磚大屋陰森恐怖，是西區著名的「鬼屋」，有人說，夜裏會聽到凄厲的嚎哭大叫。會否是女病人陰魂不散，縈繞徘徊不去？如果可以，真想聽到她如泣如訴的歌聲，一定是動人心魄。

Pakistan George Clooney

I showed the photos of our trekking tour guide in Pakistan, Raji, to my friends and my colleagues. They said he looks like a Hollywood movie star, George Clooney. Wow! I do agree, he looks like George Clooney very much. What do you think?

 

He's working in Madina Hotel in Gilgit. Do you want to have trekking with him? Haha.

brokeback mountain

昨晚終於看了brokeback mountain，比想像中好看，而且令我從最初覺得兩個男人談情說愛好核突，到後來覺得佢地都幾慘，幾touching﹗

我並非同意同性戀，但李安把兩個cowboy的感情又拍得好感人，在世人的道德標準下，兩個人要將心裡面既感情收藏得好好，不致讓人知道，但又互相掛念得頭昏腦脹，那種情是最令我覺得可憐的﹗

" A story about two gay cowboys " is not the exact description for this film. " It's a love story. "

中上環一角

中上環

尋日本來去行山，但天氣好似好熱，於是決定去行個大運。首先坐巴士去元朗食lunch，當然係田中食sushi啦。

經錦田過元朗：

食完lunch打左一陣書釘，就坐車出上環，３５mins即到。

途經青馬大橋：

出左大欖隧道，又就快入西隧喇﹗

到左上環喇。西港城。

響附近見到呢班阿叔響度踼毯。

又見到呢班小朋友做project。

行下行下，行左去古董街。

見到呢位好有型既阿叔。

行到tea time，入左去cafe飲野，同路人甲商量下北京個行程。

又行多一陣至走，halloween就到，d bar 搞左d decoration，幾得意吖﹗

好hea咁又過左一日喇﹗