c9學彈琴

今次過黎英國玩，一半係探親，一半係旅行，又想試吓住外國既feel，又想唔好咁趕咁去玩，成個旅行由七月中開始，15日西班牙，玩到有d謝，黎到英國休息左幾日就又出發去Scotland，12日既行程雖然唔趕，但係玩完12日，都要休息一下，幾日後，又出發去Wales，呢次短d，去5日。

九月一日，完成所有已plan既行程，到今日，足足兩個星期，話咁快又過左去喇，除左有時出去倫敦行，其他時間都無話一定要做d咩，有時整吓野食，有時響附近行吓，有時睇吓電視，都幾hea。

可能有d朋友會覺得一場黎到，做咩唔去多幾個地方呀，最初我都打算去多幾個地方，但係一黎我唔鐘意一個人出去幾日咁多，一個人好鬼悶，二黎我覺得咁樣去玩一兩日，又休息吓，幾好。不知不覺，hea吓hea吓又九月中喇﹗

今次黎到，跟阿港孩學彈琴，雖然成廿年前學過幾個月，但係真係咩都唔記得啦，呢段日子就學吓又去吓玩，斷斷續續咁學，終於都學到有小小成績喇﹗

一定唔係彈得好架喇，不過，一take過，算係咁上下啦﹗