機動遊戲喪玩日

5/9/2011

今日去左倫敦既Thorpe Park玩，呢個係一個純粹玩機動遊戲既公園，地方唔算好大，有二十幾種機動遊戲，原價 £40一位，我地半價﹗

九點就出車喇，但係真係低估左M25既塞車功力，原先諗住十點可以到Thorpe Park，點知塞車塞到十點五十分至落得車。人地十點開門架，蝕左﹗

好彩，雖然好多人，但係票務做得好好，二十分鐘就入到場喇﹗

一入去就玩左個我姨甥女話唔係好激既"vortex"

，玩完有d腳軟，當時以為可能未warm up啦，後來至知其實呢個一d 都唔係流架﹗所以臨尾又玩多左一次。

然後諗住入正題，去玩吓過山車，激d啦，睇見呢個"colossus"過山車有螺旋軌

，d人又叫晒救命咁，諗住一定好驚，點知其實唔太驚﹗仲排左一個鐘頭隊添﹗

跟住玩左"samurai'同"slammer"，都係睇落好驚，玩落只係ok驚，後來見咖啡杯無人排，就走左去玩，每次去呢d公園，咖啡杯都係我必玩既項目，因為少人又好玩，憑我幫佢自轉，已經頭都暈埋。

本來想玩"saw-the ride"

，但睇真d，都唔係咁恐怖，又要排成個鐘，都係唔好喇﹗反而"stealth"應該幾得人驚，不過已經無時間去排成個鐘隊喇﹗

後來都係去左排d20分鐘就有得既，原來呢d睇黎普普通通既先至最過癮﹗"quantum"睇黎好似好低b，但離心力ok架。

最好玩既應該係呢個大韆鞦"rush"

，離心力好大，又好高，好鬼驚﹗見咁好玩，又玩多一次，最好笑係玩完之後見隔離"quantum"，仲未close，我地又立即跑過去玩多一次，就響我地入左去之後既一秒，工作人員就黎左close閘口喇，而且呢次幾乎唔洗排隊就可以玩喇﹗

1100-1700，六個鐘，玩左8 樣野，11次機動遊戲，真係除左廿年前響日本廸廸尼有咁樣玩過之外，今次都係多年來首次喪玩喇﹗

玩飽，影夠，響超大既停車場揾到自己架車，一上車就落狗屎喇，真好彩﹗要感恩呀﹗

不過，個場地安排好有問題，由停車場出到去停車場門口，塞左一個鐘，呆晒﹗