2011倫敦漫遊之Victoria and Albert Museum

4/9/2011

今日既漫遊目的地係Victoria and Albert Museum，一間唔係好多人會去，亦唔係好多人認識既妙思淫，雖然係咁，但係佢其實係一間好精彩既博物館(free)。

佢既位置就係響Natural History Museum旁邊，響地鐵站South Kensington一出，沿隧道行，首先會見到Natural History Museum，然後行多兩步就會見到呢間Victoria and Albert Museum，裡面有六層樓，我行左四個半鐘都行唔晒﹗

我一入到去就見到我最喜愛既south asia區，無法唔入去睇左先啦﹗

仲有幾個區架，asia, east asia, sculpture......淨係呢一層，我已經行左兩個半鐘喇﹗

除左有舊野，仲有現代野架﹗

呢個係個古井口，俾d繩磨左好多痕跡出黎。

西班牙既石棺，佢地係兩公婆黎架﹗

呢度睇呢d stained glass就真係舒服好多呀，唔洗好似響教堂度睇咁，睇到頸都痛埋﹗

日本區內，呢幅布最靚﹗

響cast court入面既石棺，呢個plaster copy死鬼左都仲要睇書，真係慘﹗

行行吓外面落大雨，好彩我響室內。英國BBC weather forecast真係幾準架喎，佢仲會預測每隔三小時既天氣變化，例如佢話十點會heavy rain，咁十點至一點其間就會有場大雨，但係佢話跟住既一點會sunny intervals，咁一點之後又會間唔中有太陽喎，準時過你老闆出糧俾你呀﹗

仲有好多野睇架(詳情click上面兩條links啦)，連後台野都有架﹗

仲有一個最多人既區，就係珠寶區，哈哈，唔俾影相架，但係我睇極都見唔到個sign，咪以為可以影囉，點知影完就俾人話喇﹗

中世紀區

英國區內既16世紀貴族裙。以前讀書學過，呢d裙既闊度係等如呢位小姐屋企既有錢程度架﹗

連佢地都擺左出黎，都係既，歷史黎既﹗

呢個月睇埋睇埋咁多妙思淫，得出一樣我唔知，知左又唔知講咩好既野，就係：以前(大概16-17世紀)既"中國製造"係潮流既尖啄黎架，屋企有件made in China既傢俱係身份既象徵黎架，好潮架﹗但係你睇宜家，人地一聽見made in China，就藐都藐唔切喇，唉﹗

今日只得四個半鐘行，睇住咁多先，搭返地鐘去meet家姐，開車返屋企途中見到有個咁開揚既景，梗係要落車影張相啦﹗