10/9/2011
今日一早坐火車出倫敦，響kings cross站出左之後，一路向Waterloo站進發，熟悉倫敦既話，你一定話我發癲，咁遠﹗
1000行到，行左差不多一個鐘，目的地係BFI london Imax cinema(呢間係全英國最大間既立體電影館，但係都比香港既細間，都話香港咩都有架啦，身為香港人，真係幾幸福架，不過，睇黎應該愈黎愈唔幸福喇)，睇免費3D電影，因為今日同聽日都係Thames Festival，所以有一場免費俾市民睇，有jetso我一定到啦﹗
呢兩日都有好多活動架，本來聽日都打算出黎架，因為有parade同埋煙花，不過家姐個朋友話響屋企搞BBQ，今晚又有得睇煙花，所以只係今日出左黎一日咁多。
睇完戲，響southbank riverside walkway睇野，好多stall
又睇左一場korea calling，幾精彩喎，仲有free salad，我當然有食啦﹗
仲有個dance corner，有live music，d人走晒出去跳，好鬼high，本來我都想出去跳埋一份，但係得一條友，有d傻婆feel，都係睇吓算喇。
後來行到去southbank centre，見d車手玩單車花式，又有小朋友玩水玩得好開心，又睇左一陣
之後去左Jubilee gardens，見到有人玩泡泡，d小朋友好開心，咁我又好開心咁睇左一陣
咁既然行到黎呢邊，就去埋Westminster區啦，經過London eye時，見到有人扒kayak，應該係上游有demonstration，不過River Thames既水流好急。
Big Ben, houses of Parliament and Westminster hall
Westminster Abbey
途中見到有一對新人同嘉賓坐舊式巴士出現，幾好玩咁喎﹗
聽講話呢度長期有人瞓街示威，真係見到
Westminster Central hall
Westminster Abbey，無開無得入
其實我幾鐘意倫敦架，街上面好多靚既建築，又多野睇，所以我都係決定慳返d火車錢，唔去咁遠，出多d倫敦，行爛個倫敦為止
既然行到黎呢頭，就去埋Westminster Cathedral，去到門口時，突然聽到炮枚聲，唔知慶祝咩呢，只見d教士抬住個聖母像
呢個Cathedral都好靚，好值得睇，不過好似唔係好多遊客咁既，上次路人甲都無同我黎過喎﹗
行到黎呢度，已經係去到victoria站，其實係應該坐地鐵返去坐火車既，但係我又想試吓行要幾耐，結果，行左一個鐘十五分鐘，仲要係快行果隻，成身汗﹗經過St James's Park時見到好多松鼠，呢度d公園真係好多松鼠，佢地好得意架﹗
又經過horse guards
Admiralty Arch
weekend坐火車，八磅，平好多。
沒有留言:
張貼留言