秋遊東涌至梅窩

由尼泊爾返落山之後，成三個禮拜無郁過，尋日好天，去左大嶼山行山，路線係超易既東涌至白芒至梅窩。

東涌一景

逸東村後面既木屋區(上次我就係響呢度租單車喇)，有海味賣，仲有傻狗一隻

穿過木屋區後，會黎到呢間搞鬼鋪頭，佢隔離就係條橋喇

由條橋望出去，幾好景架

因為工程影響，有一段古道封左，我地要行馬路至黎到呢度

白芒外面有個咁既牌，奧運徑無咩特別，只係間中有D坑渠蓋有D運動標誌囉，好無聊

雖然有太陽，但個景好唔清，唯有影吓花花草草

途經銀礦灣瀑布

又經過銀礦洞，不過，只可以響洞口，無得入去

入到銀礦灣，見到D人好relax，好似呢對父子，爸爸踩單車同阿仔黎沙灘，做咩呢？

玩船仔囉，兩父子扮完扒船，又坐小船扮出海

由東涌至梅窩，中途有好多小路，可以難，可以易，不過都可以睇到郊外既景色

差唔多入到梅窩時，見到好多舊野，又有幾間豪宅，好有趣。呢兩支係咩柱呢？

見到「咖啡奶茶」，以前應該係茶餐廳卦

行到去銀礦灣酒店附近，已經日落喇

響碼頭旁既冬菇亭食埋餐又平又好味既大排檔晚餐後，就坐船出香港喇