早兩晚踩左一轉去大尾督，路人甲介紹呢間食飯，但我睇佢個樣好似麻麻地，但當時非常肚餓，就坐低叫野食喇﹗
平時入黎都會去吓隔離個間「感覺煮意」同「忠誠」，但係呢晚我話想食平d，於是叫左個set dinner，無期望過有咩好野食架，點知……，個湯同個飯都好認真，尤其是塊豬扒，直頭有酒店水準，而且份量好足。
＄52一個餐，仲有個好得既焦糖燉蛋，食左一啖都要影一影，介紹一吓。如果去甜品店食佢，都要廿幾蚊啦﹗
呢間野衰在個招牌好「娘」，外面整得唔夠吸引，你知啦，好多客人揀食店只會響外面睇佢坐得舒唔舒服（其實坐左入去可能係另一回事），所以，整得好似好舒服去吸客，係呢間店苜要改善既地方呀﹗
以後大家入大尾督可以唔洗企響忠誠門口死等爛等啦，行過兩間鋪位已經唔洗等，又好好食，最緊要係抵食嘛﹗
午餐仲抵呀~~而且質素同份量一樣咁認真!
回覆刪除[版主回覆11/12/2010 23:08:00]真係？信你﹗
回覆刪除今天星期六踏單車後到好風景吃午餐，味道很好，多謝介紹，看過餐牌
後，晚餐的套餐應該抵食很多。
[版主回覆11/13/2010 23:10:00]哈哈，即係話日夜都抵食啦﹗星期一至五既午餐應該係最抵食呀﹗