東涌行上大東山

星期六入左東涌，行左一陣商場，然後施施然行去camp site，有朋友已經煮緊正野，我唯有坐住等食啦﹗

第二朝瞓醒之後，去完飲茶至開始行：

第一站－－婆髻山。由呢度望落去，成個東涌市連機場，屯門（out左，響相片以外既右邊）都睇埋﹗

向爛頭營行緊時回望機場

就到就到，轉多個彎就到喇﹗

到左，想黎左好耐既爛頭營。

其實，係去左希臘。

繼續向大東山山頂進發﹗

到左，咪以為我d畏高好番晒，出面仲有排至會跌落山呀﹗

落山時遠眺貝澳。

最後，落到伯公坳坐巴士返東涌市，又一日喇﹗

DIY燒肉

講左好耐話整，尋晚終於都整喇﹗

咁黑係d五香粉，不過無問題架﹗

個皮脆到無朋友，不過咸左dd，下次要落少d鹽﹗

裡面都好靚﹗

路人甲都話好食，不過個皮咸左d﹗
參考：http://hk.myblog.yahoo.com/tnp-AUS/article?mid=12458

DIY叉燒

簡易方法，但實在太簡易，簡易到無份量去跟，唯有斷估，結果，味道方面似乎可以減少少海鮮醬﹗

肉方面，明明係想買梅頭，因為路人甲鍾意食半肥瘦既，點知當我行到去肉檔時，把口就講左柳梅，唉，拎到返屋企洗先見到一條瘦瘦既肉條，整出黎會係全瘦叉燒，失敗左一半喇﹗

焗好喇﹗個樣都幾得架﹗

切開之後更加似樣﹗

方法係：用叉燒醬同海鮮醬醃一晚，用幾多醬就視乎舊肉既大小，我今次買左＄25肉，就用左各3茶匙，不過我覺得海鮮醬可以少d。用180度火焗45分鐘至一小時，都係睇舊肉既大小啦。

焗蛋餅

尋晚本來想整洋蔥炒蛋，但響T&P度搵到個食譜整焗蛋餅，心郁郁又想試，雖然係西式野食，都整黎當餸啦﹗

其實應該切開一份份放入隻碟度加d side dish既，不過，算啦﹗味道好好﹗

材料:

4
隻蛋

1
杯自發粉

1
1/4杯奶

2
隻
zuchinni
翠玉瓜刨絲（我無瓜呀，用菜咋）

4
塊煙肉切粒

一隻洋葱切粒

一杯
mushrooms
切片（無加到呀，路人甲唔食架）

1
1/2 杯芝士絲

3/4
茶匙鹽

黑椒粉

做法:

先用鑊爆香煙肉洋葱,

將奶,
蛋,
自發粉攪勻

將煙肉,
洋葱,
瓜絲,
白菌片,
芝士絲撈勻

加入蛋漿,
鹽,
黑椒粉拌勻

將焗盆搽油,

薄薄灑上一層麵包糠以防黐底

將所有材料倒入焗盆

入預熱焗爐180C
焗約
45-50
分鐘即成

放涼10-15
分鐘先可切件

嶺南派山水畫（第廿一／廿二堂畫紅萼花／仙客來）

去完旅行番黎，好彩趕得切新一班上堂，其實話就話學左兩個course，但實情得十八堂，所以好多野都未學識架，決定繼續囉﹗

呢堂學畫紅萼花，老師話隻野個身太大，唔得，其他好好，但係我唔鍾意咁樣一串串既花呀﹗

學完上一堂之後，老師要搞畫展，停左兩個星期，前幾日終於有得上堂喇﹗呢堂學畫仙客來，即係兔仔花，老師話d花花既色太實太濃，又瘦左d，d葉就畫得好好喇﹗

呢幅係自己畫既，阿豬姑娘講左九萬幾年話要我畫一幅俾佢，咁既然佢唔嫌棄，我都唔介意畫既，不過就畫得唔係幾好咁囉﹗

大帽山至火炭

星期日，天晴但大煙霞，都去行一行啦，對大脾就黎變到肉騰騰喇﹗

六點起身坐車去大帽山腳既上村嘆左個中式早茶先，然後坐車上大帽山郊野公園，入一入施樂園，湊班細路。九點幾至正式出發﹗

呢日雖然天晴，但景物朦查查，呢度係由大帽山望去石崗，見到石崗機場嗎？

過左大帽山頂之後，果一帶有好多牛架，我上次仲俾牛追添呀，嚇到我屎屎吓﹗

城門水塘

向草山行

由草山望去大埔

草山山頂

草山三角網測站，呢度有270度風景，好正﹗

由草山望去馬鞍山

驚見一塊靚草地

山上面好多大頭茶花

差不多行到去火炭華翠園時，有幅咁野

終點：華翠園。全程20公里。

最後去到火炭大排擋食晚飯

食物唔錯喎﹗

DIY洛神花jam

上次整左洛神花蜜餞，早幾日行大埔舊街市又見到有得賣仲平過新街市，＄12一磅咋，咪買佢兩磅整jam囉，方法跟上次整士多啤梨jam一樣，不過洛神花酸d，要落多d糖。

今次用左另一個方法去試d jam夠唔夠膠，就係滴一滴jam落隻雪到冰既碟度，滴jam唔流動，就得喇﹗

兩磅可以整到三樽咁大既jam。

路人甲都話好味呀﹗

梳乎厘

路人甲點名要食梳乎厘，於是尋晚既「是日甜品」就整左喇﹗

忙於亦專心去整，因為第一次整呀，所以無影相。

1．先煮熱65ml奶＋牛油6克

2．撈勻65ml奶＋麵粉30克＋蛋黃1隻，加入(1)內，煮杰，放涼

3．將3隻蛋白打起（企身），加入糖1.5安士，攪勻

4．將(2)＋(3)攪勻

5．焗模內塗油，再灑滿沙糖（能令梳乎厘靚靚地升高）

6．190度下火焗約30分鐘（最後幾分鐘用上下火）

7．灑上糖霜

屋企無糖霜，所以得咁既樣，不過，路人甲話：好味﹗

＊以上份量可造兩杯

14th day @EBC （有得沖涼喇）

13/10/2010(星期三)

每天晚上都是差不多七時多便睡，別以為睡眠時間很多，這十多天，我差不多每晚十一、二時便醒來，然後就不能熟睡了，斷斷續續地從夢中醒來，又再輾轉反側，加上一天的勞動，所以，到了晚上，很早便感到疲累了。有時，床鋪不夠好，睡得特別差，就像昨晚，又是一個質素甚差的睡眠了。

今天六時便起床了，但八時多才出發。為什麼？在這裡，你叫的食物往往會在一個小時後才送上，所以，你必須要有耐性。

今天的天氣好了很多，藍天白雲的，而且，當我們走在海拔較低的谷地時，植物都是紅紅綠綠的，在暖和的陽光中，很有秋意。其實，走在山中十幾天，由最初經常擔心天氣，到後來擔心自己的體力，至現在什麼都不擔心，既來之，則安之，真是一大進步﹗

今天的路程亦是下坡路居多，但其中一段需要不斷向上走，爬升三百米高度。走到今天，身體應該是適應了高度，也跨過了最疲倦的時間，所以，今天仍能在一小時內走完這三百米高度。今天的終點是Namche，記得當日（山中第二天）由低處爬上Namche來，真是很累，見了上坡路便怕了。但十二天後的今天，竟然沒半點疲態，雙腿仍有力，可能這就像上班一樣，最初很不想出門去，日復日的，習慣成自然，就沒什麼痛苦的感覺了﹗

今天另一樣令人振奮的事就是可以洗澡了。對上一次洗澡，是十一天前，是離開Namche的前一晚。為什麼不洗澡？因為離開Namche以後，海拔愈高，天氣愈冷，就算有熱水浴，都可以因為太冷或設備不佳而著涼，所以，不洗也罷。其實，我們可以用廿多元（港紙價）買一小盆熱水抺抺身，洗洗臉的，但我又覺得這樣抺倒不如不抺了，用化妝棉醮一點化妝水抺走臉上的泥沙（不要以為到高地去看雪山一定是一次洗肺之旅，其實每天走在泥路沙路上，沙塵滾滾，不只臉上身上是沙塵，就連鼻腔裡都因空氣乾燥，不時流出夾雜了沙塵的血水來）便算了。刷牙洗瞼呢？離開Namche以後，不是每處也有水供應，有時投宿的lodge附近有河流，我們便到河邊刷牙洗瞼，否則，兩三天不洗瞼不刷牙也試過呢﹗

十一天沒洗頭洗澡，今天到了Namche以後，第一件事就是洗澡，哈哈，足足洗了半個小時，洗個痛快﹗我全程不斷用力往皮膚上捽，捽了很久，捽出來的東西仍然是黑黑的，真像一個乞兒呢﹗

弄得乾乾淨淨之後，才四時多，又是跑到dining
room坐著等食的時候了。每天如是，早起，等吃早餐，健行，等吃午餐，健行，投宿，等吃晚飯，然後早早睡覺。如果來健行的人平時每天都是熱熱鬧鬧的，他們來這裡健行一定悶出鳥來。

今天住的lodge是上山時住過的那一家，現在，我覺得它很豪華，跟上山時的感覺迥然不同。它有走廊燈，有房燈，有洗手盆，去完廁所可以洗手，房間不是板間房，跟之前十天裡住過的地方很不同。雖然初到Namche時，並不覺得這lodge有什麼特別，但經過十天高山裡的經歷，原來這lodge已經很豪華了，原來幸福並非必然的。

有用資料：

1．Namche
Bazaar(Thamserku view lodge)雙人房住宿Rs200一晚

2.
行程：Dole(4200m)-Namche
Bazaar(3440m) 約用了五個小時

半日遊－井欄樹至油塘

星期日，瞓飽，食飽，施施然出去井欄樹，打算行去油塘。

一開始就見到呢間有型陶器屋

向澳頭方向行

途經一個休息站，見到幾張有意思既口訣

呢日陰天，煙霞又大，影吓花同草算啦

見到一間舊屋，幾有型架

呢個牌都好有型架

行到去翠林道附近，行上山上小徑，竟然見到呢堆公仔，真係嚇鬼死呀

將軍澳一景

行完五貴山，就快行到去魔鬼山

到喇，魔鬼山雕堡上既三角網測座標同維港景，好天既話，呢度睇日落，正呀

以前d軍人就係響呢d窿窿度開炮架喇

今日無景，行落油塘，搭地鐵出九龍灣shopping去