新加坡之旅．第一天（上）

2/2/09，開始０９年第一炮，新加坡之旅的第一天。

一早八點幾到機場check in，吃過早餐，就坐新加坡航空10:30機飛新加坡。呢個package真係幾抵，$2400四日三夜（已包所有稅）。我第一次坐世界第一既新航，真係零捨唔同。當我坐得大陸機多之時，突然坐班咁正既機，真係有d唔慣。今次有haagen-dazs雪糕、有甜筒、有有水準既飛機餐、有機打、有早兩個月既電影（我睇左「畫皮」同「武俠梁祝」，遲d再講呢兩套野）、有靚過國泰好多，服務好好多既空姐。總之，搞到我響架機度好忙﹗

14:00著陸，15:30去到酒店check in。

今次住呢間lion city hotel響地鐵站Paya Lebar步行幾分鐘就到，算好方便，間房好大，不過就舊d。

搞掂晒之後，16:00開始去行街街喇﹗首先搭地鐵去Bugis行街。新加坡d物價指數一d都唔低呀，搭四個站都要S$1.4（Ｘ5.2)。

新加坡所有景點區都油到好多顏色，d屋仔好多都係咁既樣，有騎樓，大大個窗，只因為好多人早年由馬六甲個邊移民過黎，而馬六甲又俾荷蘭統治過，荷蘭係會因間屋既闊度而計稅既，d人為左交少d稅，就起到間屋好窄好深，而d人就將呢種建築風格帶埋過黎。

呢頭係酒吧區，朝早好靜。

行行下就到左sultan mosque喇﹗去幾日都陰天，真好彩，否則熱死（試過一出太陽，我熱到謝謝地）﹗

1800，肚仔餓，跟住本旅遊書去左zam zam食印度薄餅。(S$7.8, including drinks)

d師傅真係可以做到塊粉皮好薄，勁呀﹗

我攞住個本旅遊書有呢位哥哥幅相，同佢相認左之後，我地都影番張先（引起左少少騷動添）。

我發現，就算普通既後街，有時都搞得幾靚架，不過，新加坡就無我想像中咁乾淨喇，去到一d比較平民d既地方，都會見到周地垃圾架﹗

佢有好多好得意既建築，呢間未起好，已經好特別﹗

行去Merlion Park途中都見到唔少靚既建築物，例如呢間天主教堂。

或者呢間前身係孤兒院，宜家變左做餐廳既chijmes。

或者呢間stamford house。