青山古寺至靈渡寺

星期日，天氣麻麻地，去左屯門由青山古寺行去靈渡寺。

睇清楚，係青山「禪」院，唔係「醫」院。

佢剛剛重建，鬼咁新，路人甲話同佢細個時黎果陣完全唔同晒﹗

龍骨石，以前可以摸架﹗

電門，係佛寺裡既電門，真係第一次見，豪呀﹗

由輕鐵青雲站一路係咁上，上到黎見到個景好濛，心情即刻灰左。

行到上去「香港三尖」之一，青山，遠望香港大西北，好荒涼呀﹗

見到一點鐘位置既山頭嘛，要行到去果個山，至可以落山，全程行山脊，要行過三十二個山頭，上1200米，落1200米，一共11.4公里。

九成沙地，好多都係勁直既路，對於我黎講係非常五星級既路段，一大班朋友行，我當然係包屈大班啦，好彩路人甲陪我，真係難為佢，當我好驚咁落緊斜時，佢已經好輕鬆咁行左響我前面教我點行喇﹗有時我行左去，佢又繼續響後面個山頭影緊相，但係只係一陣間啫，佢已經企左響我隔離喇﹗要佢全日都行得咁慢等埋我，佢辛苦過行多兩次架﹗

全日最險要地段，左右都係斷崔，中間得一呎左右闊，路人甲一野就行左過去，我當然唔敢行啦，唯有兜路囉﹗

好彩有兩支野，否則一早就已經行唔到喇﹗

全日最直最滑既路段。

終點。差不多天黑囉﹗

然後去左屏山食飯，間野唔掂，唔介紹喇﹗