沙巴之旅－－登東南亞第一高峰

25／12聖誕節節，尋晚好平安咁過左個平安夜，今日終於到重頭戲喇。

0130起床

0245食完早餐，出發登頂。我地一行五人（連埋個guide）出發，行左廿分鐘左右，老外已經唔等我喇，而我亦無等我個朋友仔。於是，老外比我早到山頂，朋友仔行左半個鐘之後決定由個guide陪同下折返，我就行吓行吓唔見晒d人。因為：d外國人好早出發，一早已經只見頭燈不見影，一大班韓人用超慢既速度上山，我又拋離左佢地，所以響過左樓梯個part之後，幾乎係我一條友響個山度行。

響香港出發前超多野做，無做training，呢度空氣稀薄我又無瞓覺，狀態唔係幾好，好彩都係斜路，唯有慢慢行啦。

行左兩個鐘左右，抬頭一望，除左有星星同流星之外，重有好多頭燈同d星星平排響個天度，心諗：「唔係嘛，要行到去個天度？﹗」

三個鐘喇，終於爬到上去low's peak喇，海拔4095m，我真係用對腳行左2300m高，上到黎喇﹗真係唔行唔知身體好呀﹗我真係「爬」上黎架，有d位係無得行既，有條大麻繩掛左響度，拉住條繩就好似飛虎隊咁上去架喇，上到去low's peak下面，舊舊大石大過馬騮崖個d，又係爬囉，無人幫你架，想上就自己頂硬上啦﹗

天未光就到左喇﹗差d唔記得同個牌合照，好彩我搵到鬼妹佢地，佢地提我要影相咋﹗

日出喇，可惜俾一大舊雲遮左一截，又係雲海，真係常伴你左右架。

影完一輪相，開始落雨，死喇，對於我呢個上山容易落山超低B既人黎講，簡直惡夢。雖然呢度係花崗岩，應該唔滑，但係又斜又濕，仲要爬番落山喎﹗

好彩落左low's peak行到呢度，個guide上番山黎搵我地，而雨亦開始停喇。但係，我都係pk左一野，條褲差d穿。

遇到guide哥哥真好，有人俾我當human stick（必要時），又有人幫我影相。

出現左唔夠一分鐘既彩虹，都俾我影低左喇﹗神山既天氣轉變真係以秒黎做單位架。

 Rabbit ears

影完呢張合照之後，佢地又以馬騮既速度落山喇。

我個mountain guide

尋晚就係咁樣上山喇。點落？點上咪點落囉。

落山途中好風光。

用左三個鐘落山，響相中既guesthouse食左個早餐，拾好野，十點，又開始落山喇。

From Timpohon gate, 4.5hrs to Laban Rata, 3hrs to Low's Peak, 3hrs return to Laban Rata, 6hrs to Timpohon gate

食完早餐呢段落山路係最攞我命既，一黎一早已經行左六粒鐘，二黎無瞓過覺，三黎落山時落雨，四黎係．落．山．呀～

所以，上山只用左四個半鐘，落山用左六粒鐘。

四點落到山腳，執埋d野搞好晒，行出神山reception門口立即等到巴士去Kota Kinabalu市。兩個鐘之後，到左喇，不過要轉多兩程車至去到我地間guesthouse。

一到埗，book左做spa個agent既司機已經響度等我地喇。

朋友仔響香港已經搵左呢間agency book定做spa，RM260，做左兩個幾差不多三個鐘，有埋司機接送，貴係貴架喇，不過我未做過spa，叫做試吓囉。其實響市內有好多呢d做spa既地方，平d架。不過，除左個oil massage我覺得唔錯之外，個body scrub我個人覺得有d被洗車feel，而且俾人由頭捽到落腳趾，好奇怪；至於個浸浴，舒服既，尤其是個日咁攰。

唉﹗我呢d賤骨頭，真係唔識享受架﹗

做完spa，返到guesthouse已經十一點，仲未食過lunch或者dinner，求其響樓下食d野就瞓喇﹗