轉機－－吉隆坡

28／12，零晨到左吉隆坡，為左方便，所以訂左一間響機場步行十分鐘就到既酒店，叫tune hotel，係一間連鎖酒店，係我住過最細間房既酒店。

就係咁大喇，玻璃門後面係洗手間。

佢既外型就好似一間中學咁。

好不幸，我地呢晚遇到傻佬。有個男酒店員工呢晚拍左我地三次門，其中一次係四點，瞓瞓吓俾人咁樣嘈醒，差d嚇死。

瞓醒之後，坐機場巴士出市區，再轉車。因為出發前實在沒時間搵資料，所以究竟去邊好呢？響中央車站搞左一輪都搵唔到tourist information centre，憑印象，只記得唐人街。於是走去問路人唐人街點去，結果坐LRT去左Pasar Seni站。今次成個旅行就因為忙，所以無左我好喜歡既「pre-trip」果部分，唉﹗

原來呢度係旅遊區，呢張相就係響月台影去national mosque喇﹗

行左去唐人街food court食左碗喇沙，原來每一度既喇沙都係唔同呀﹗

然後就係亂行，呢度係central market出面喇，個market好似西港城咁，無咩好行。吉隆坡俾我既感覺係新加坡既孖生兄弟，連d街都係好似樣既。行響吉隆坡街頭，我覺得好多野睇，d屋係好colourful既，d建築物好有特色，有d仲好特別好靚。有好多人都話新加坡好悶，咁佢地一定都覺得吉隆坡好悶，因為佢地係倒模城市；不過，我幾鍾意呢兩個擁有多民族特色既城市。

Sultan Abdul Samad Building and Merdeka Square

吉隆坡最古老既mosque

下晝，行左過去KLCC影吓twin tower，真係好高，而且好靚。

然後又搭車去返pasar seni站行吓另一邊既野，點解要返轉頭？之因為後來先攞到張地圖，先發現仲有野可以行喎。

呢度係railway headquarter。

呢度係對面既hotel heritage。

呢度係後面街既national mosque。

呢度係個mosque附近既arts museum。

我地入左去mosque行左一陣。朋友仔問我點解點鍾意行mosque，好簡單，香港無咁大間咁有規模既mosque。令我又諗起另一個朋友仔曾經問我，有邊度旅行值得去，我既答案都係好簡單，未去過既都值得去，無地方係唔值得去既。佢當時俾左個唔明白既樣我，我無解釋。心裡面既解釋係：人地話你聽個地方係點點點，你既感受未必係咁；個地方你未去過既，就算係無咩野特別，但去過之後我先會知道佢係點樣唔特別，而且亦都係一個經歷，去體驗一下果個地方既生活，了解多一d。

不過，當我當旅行係一個project既時候，有好多人會有唔同既旅行態度。總之，各適其式，最緊要去得開心﹗

入mosque要著袍。

mosque內既紀念堂。

專係俾遊客進場既閘口。

行完呢度，去返sentral 站食左個簡單晚餐，就坐機場巴士返酒店。

響酒店個computer room上網時，我發現我個位既枱面有包錢，唔係好多，百零蚊港紙卦，應該係之前上完網既人留低既。結果我無攞，亦無攞去front desk，因為我知佢地一定係自己要左既。我由得包錢繼續放響度。我將件事話俾我d學生聽，問佢地會點做，佢地問返我點解咁做。留低錢既人如果記得會落返黎攞，而最重要係d錢唔係我既，我唔等錢洗，而且我唔知個房有無閉路電視，如果攞左，到時話我偷咪好煩。做人唔好貪，不過可以慳。d學生聽完，七嘴八舌咁話我傻，無人唔貪錢既……唉﹗香港既生命教育同道德教育都失敗晒，香港既下一代都仍然係睇錢至上。