柬埔寨吳哥行（七）

繼續31／12行程：

去完女皇宮，阿茂帶我地去Kbal Spean睇水中石刻，行左1500米至行到山上面。

阿茂話佢做左三年司機，今次係第二次上黎，我地真榮幸。

到宜家我仲未知道點解條河度會有咁多石刻，得閒真係要睇吓書先。

仲有條小瀑布添﹗

之後就出返去小吳哥食晏，返到酒店梳洗一輪之後，就去左試「高棉按摩」，一種同泰式按摩差唔多既按摩，不過比較輕柔一d。

按完後去左醫肚，一餐唔錯既dinner。食左幾次Amok，發現真係幾好食。

呢晚係new year eve，條街都佈置得好熱鬧呀，不過我地無等12點，好早就返左酒店休息喇，點知……

12點正，我俾放煙花聲嘈醒，行出露台，嘩﹗維港煙花呀﹗好大好大個既煙花係咁響我頭頂爆緊，唔理喇，無腳架都影一餐喇﹗

咁就完成左美好既2009年﹗

聽日就係1/1/2010，希望新既一年比之前更好，更多開心既事發生啦﹗

＊呢間就係我地響Siem Reap既酒店房喇，幾大架，不過就貴左少少，US30一晚一間房﹗

今次，只用呢個小背包，估唔到咁好用，下次去旅行都預埋佢先得。

三日既tuk tuk車收費分別係：US13/15/25，因為我地中午會返酒店，而第三日又去左女皇宮，車程比較遠，所以可能貴左dd。