士多啤梨雪糕蛋糕

尋日同班學生出左去旺角學整蛋糕，以為整雪糕有咩特別做法啦，點知同做mousse差唔多。

首先溶左d朱古力撈埋脆餅底，鋪好，掂。（呢個步驟我一早已識）

打蛋白至企身。（呢個步驟我一早已識）

打杰忌廉，加入士多啤梨蓉。（呢個步驟我一早已識）

撈埋蛋白一齊，倒入模中。（呢個步驟我一早已識）

做d朱古力面飾。（呢個步驟我一早已識）

其實所有步驟我一早已識，揀左呢個黎學，做左傻仔添，不過要就下班學生既程度，當玩下囉﹗

＊我嫌呢間教個面飾太求其，無點教你放靚佢，班學生個d仲恐怖過我呢個呀﹗不過，個味道都唔錯，幾似雪糕。