３月６號抽中獎

３月６號，生日當晚，我去左聽個旅遊講座，個講座完之前，大會玩左個好低能既遊戲，就係開住音樂傳花花，音樂停既時候，邊個手上攞住支花，就答講者問題，答啱有獎。一共有兩位幸運兒。

我諗住個度咁大棚人，呢Ｄ好野通常無我份架啦，於是就同路人甲傾計啦，連支花過到黎都唔知，點知，我一拎住支花花，音樂就停左喇﹗當然啦，我識答問題，佢送左兩本旅遊書俾我，其中一本講影相既，我仲好鍾意添﹗

呢d應該都算係birthday luck路掛，好野，又有生日禮物。

當我睇緊本書咩料時，第二個幸運兒出現左喇，點知，佢份禮物係......一張來回台灣機票，三日美麗Ｘ旅行社旅行團。　呀..............點解份禮物唔調轉呀？我今日生日喎﹗﹗

自我安慰：算啦，咁大棚人之中，我都有一份禮物，算係咁啦﹗我又唔打算去台灣，俾得一張機票，即係要自己買多一張啦，旅行團我就最憎架喇，送一個位，仲要買多一個位......不過，可以送左個旅行團個位俾阿爸同阿媽架嘛......算啦﹗