繼續......
4.巴基斯坦係個貧富懸殊既地方，我好驚訝連大陸人都唔會有既二手店，響gilgit周街都係，佢地著既用既，好多都係二手既，但係響首都同Lahore都見到d好似康樂園咁既獨立屋，好多人都有相機，有d個model仲幾新添架，咁當然亦有好多人個部仍然係菲林機啦，不過，響hunza同gilgit，無咩人有相機，都仲係好窮架﹗有錢既人會食下煙，窮人就唔會喇，所以北面地區連空氣都清新d架﹗
5.在北面的城市，盲婚啞嫁非常普遍，而且男女不能隨便拖手，也不能公開拍拖；南方城市就完全唔同喇﹗響gilgit阿raji屋企作客，完全感受到男尊女卑既情況。raji家姐煮完飯俾我地食，但係佢唔可以同枱食飯，自己同d細路響另一間房度食，好似我地d潮州人咁。佢地d男人仲可以娶四個老婆添呀﹗
6.pindi同islamabad係twin city，不過，islamabad係個新城市，所以個城市好有計劃，好似d街，係用睇地圖既方法去劃分既，即係A1、B8、C12咁，好整齊。
7.巴基斯坦曾經係英國既殖民地，所以佢地好多人好鍾意玩板球同馬球。佢地對板球既熱愛情度等同英國人熱愛足球一樣。而馬球呢，我都係第一次睇現場既比賽，原來好刺激架。平時佢地會用馬球比賽黎賭錢，好似我地賭波咁囉﹗
8. 講到巴國人對人國人特別好，我舉下例啦：old hunza inn老闆知我地去gilgit住madina hotel，佢就打電話去個邊，叫職員去車站接我地；我地響hunza行山行到有個朋友頂唔順，阿老闆又開架車黎接我地，仲唔收錢喎；去到gilgit時，已經天黑，個小巴裡面所有人都問我地住邊間hotel，原來阿司機叔叔打算車我地去最近既地方俾我地落車；阿raji就唔洗講啦，好客到不得了；而d途人知道我地係中國人之後，面露個種喜悅，如果係假既話，咁要oscar最佳男主角先扮得出喇﹗
9.另一神奇遭遇係由中國過境巴國時，個海關望都唔望下我地d行李，就俾我地入境。聽人講，包括我地響新彊識返黎個位剛剛由巴國過去新彊玩，然後又跟埋我地一齊入番巴國既馬來西亞小姐講，入巴國境，要連洗頭水都解釋一餐裡面係d咩，逐樣逐樣查，我地完全唔洗俾人查，簡直奇蹟呀﹗不過，可能我地同班巴國青年一齊入境，可能有d著數啦﹗
沒有留言:
張貼留言