澳門珠海新玩法（二）

第二朝一早，響酒店食完個舒舒服服既早餐之後，行過酒店對面既碼頭就可以上船喇﹗

就係呢個碼頭喇﹗

一隻漁船只可以坐最多十二個客人，上船登記好晒就立即出發。

最初無咩野做，就響隻船度周圍影吓野。

出到海之後，船家落網喇﹗

四十分鐘之後，船家拖起d網攞漁穫，好多蝦同魚仔，大魚得一條，有隻好大既蟹。

跟住就分類喇﹗

都撈到好多螺上黎呀﹗

仲有好多蟹仔。

坐左一陣，吹吓風又吹吓水，有得食喇﹗船家只係煮左一部分既漁穫俾我地食，但係我地都係食唔晒﹗

食飽上岸行吓，上左呢個叫做桂山島既小島，呢度坐大飛去大澳只需要15分鐘，以前係個好出名既二奶島黎架﹗

由文天祥公園向海邊望去，幾靚喎﹗

文天祥石像

海邊小鎮，當然有海產啦﹗

島上一景

行左一個鐘，上船回航lu，隻船行左兩個鐘左右就到碼頭喇﹗

大家食多個tea，就搭巴士去九洲港碼頭返香港喇﹗搭呢架巴士都幾好，唔係好迫人，又可以順便睇吓宜家珠海既市容。珠海真係幾乾淨舒服，唔怪得被譽為中國最佳城市之一啦﹗