以前整過傳統既月餅，今次本來都諗住整埋架，但原來冰皮個皮整多左，連餡都唔夠用，於是無整到傳統既月餅。
第一次整，算係成功，可惜我無攪拌機，d豆蓉唔夠滑，不過，味道非常好。我仲買左現成既餅蓉，好貴，＄24得一小磚，整得八個小冰皮咋。今次一共整左33個冰皮，仲有皮料剩，但d餡已經用完喇﹗
尋日整整吓覺得全身好攰，開始喉嚨痛，整完之後拿拿聲去瞓左一陣，好番少少，然後叫路人甲買隻強力感冒藥俾我。跟住就出九龍同朋友食飯喇，真係吹自己唔脹，次次都係有得食有得玩就精神爽利架。食飯時鬼打都無咁精神，食完餐飯就開始頭痛，全身無力，呼吸困難。返到屋企仲做埋職訓局主席－－「即瞓」，今朝瞓到十二點幾至回魂咋﹗
結果整左朱古力餡、豆蓉餡同蓮蓉餡。路人甲話：好味﹗
Can we have a try on this Fri ar?
回覆刪除[版主回覆09/14/2010 17:52:00]呢批冰皮月餅可以留十日八日架，所以星期五你地都有得食。
我尋晚準備好哂啲材料，蒸熟哂啲奶皇餡同冰皮，雪咗一晚，今日開始包，好緊張吖，唔知得唔得吖！
回覆刪除[版主回覆09/14/2010 17:54:00]我買少左吉士粉，無整到奶皇餡，本來諗住今日整埋奶皇餡，用埋d剩左既皮，點知瘸到係咁瞓，無整到。